Облыс әкімдігінің дін істері басқармасы Қазақстан Республикасы Ақпарат және қоғамдық даму министрінің 2020 жылғы 31 наурыздағы «Діни қызмет саласындағы мемлекеттік қызметтер көрсету қағидаларын бекіту туралы» №97 бұйрығына сәйкес мемлекеттік қызметтердің 2 түрін көрсетеді.
Басқарманың дін саласындағы мемлекеттік көрсетілетін қызметтері баламалы түрде, яғни көрсетілетін қызметті беруші кеңсесі және «Азаматтарға арналған үкімет» мемлекеттік корпорациясы» коммерциялық емес акционерлік қоғамы немесе «Электрондық үкіметтің» веб-порталы www.egov.kz арқылы жүзеге асырылады.
2025 жылдың ІІ тоқсаны ішінде Басқарма тарапынан:
- «Миссионерлік қызметті жүзеге асыратын тұлғаларды тіркеуді және қайта тіркеуді жүргізу» қызмет түрі бойынша қызмет алушылардан өтініш түспеуіне байланысты аталған қызмет көрсетілмеді.
- «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» түрі бойынша 4 қызмет қағаз түрінде көрсетілді.
Есепті мерзім ішінде діни қызмет саласындағы мемлекеттік көрсетілетін қызметтердің сапасын арттыру бойынша жүргізілген түсіндірме іс-шаралары мен насихаттау жұмыстарының саны 13, аталған іс-шаралармен қамтылғандар саны – 70 адамға жуық.
Басқарма тарапынан есепті мерзім ішінде Қазақстан Республикасының мемлекеттік көрсетілетін қызметтер саласындағы заңнамасын бұзу фактілері орын алған жоқ. Сондай-ақ мемлекеттік қызметтерді көрсету сапасына қатысты шағымдар түспеді.