«Мемлекеттік көрсетілетін қызметтер туралы» Қазақстан Республикасы Заңының 23-бабының 6-тармағына сәйкес жыл сайын көрсетілетін қызметті берушілердің, мүдделі жеке және заңды тұлғалардың қатысуымен мемлекеттік қызметтер көрсету мәселелері бойынша қызмет есептерінің жария талқылаулары өткізіледі. Жария талқылаулар көрсетілетін қызметті берушілер қызметінің есептілігі мен ашықтығы, мемлекеттік қызметтердің сапасы мен қолжетімділігі, мемлекеттік қызметтер көрсету процесін тұрақты жетілдіру, оларды көрсетудің үнемділігі мен тиімділігі қағидаттарын іске асыруды қамтамасыз етуге арналған.
Ағымдағы жылдың 1 қарашадан 30 қарашаға дейін Жамбыл облысы әкімдігінің денсаулық сақтау басқармасының ресми сайтында (МО ИРБП) «Қызметі», «Мемлекеттік көрсетілетін қызметтер» бөлігінде 2022 жылғы мемлекеттік қызметтер көрсету мәселелері жөніндегі қызметі туралы есеп орналастырылатын болады.
Аймақ тұрғындарына Жамбыл облысының әкімдігі немесе Жамбыл облысы әкімдігінің денсаулық сақтау басқармасы сайтының басты бетіндегі «Сұрақ-жауап» терезесінде ұсыныстар мен ескертулер қалдыруға мүмкіндік беріледі.
Өңірдің тұрғындарын қоғамдық талқылауларға белсенді қатысуға шақырамыз.
Есепке сілтеме:
https://www.gov.kz/memleket/entities/zhambyl-densaulyk/documents/details/425306?lang=kk