Жамбыл облысы әкімдігінің денсаулық сақтау басқармасы «Жамбыл облысы әкімдігінің денсаулық сақтау басқармасы «Жамбыл жоғары медициналық колледжі» шаруашылық жүргізу құқығындағы коммуналдық мемлекеттік кәсіпорнындағы байқау кеңесінің мүшелерін іріктеу жөнінде конкурс (бұдан әрі – конкурс) жариялайды.
Конкурстың өткізілетін күні мен орны: Тараз қаласы, Желтоқсан көшесі, 78 үй, 331 кабинет.
Кәсіпорынның орналасқан жері: 080000, Жамбыл облысы, Тараз қаласы, Ниеткалиев көшесі, 20 үй.
Кәсіпорынның негізгі қызметінің қысқаша сипаттамасы:
«Емдеу ісі», «Акушер ісі», «Фармация», «Зертханалық диагностика», «Мейіргер ісі» және «Мейіргер ісінің қолданбалы бакалавры» мамандықтары бойынша мемлекеттік білім беру тапсырысы және ақылы негізде орта арнайы кәсіптік білім беру, сонымен қатар орта медициналық және фармацевтикалық білімі бар мамандардың біліктілігін арттыру бойынша қызмет түрлерін жүзеге асырады.
Конкурс мүшелеріне қойылатын талаптар: жоғары білім, сондай-ақ төмендегі талаптардың біріне сәйкес келуі тиіс:
1) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласында кемінде 5 жыл жұмыс тәжірибесінің;
2) денсаулық сақтау немесе ұйым бейіні бойынша және (немесе) экономика/қаржы және (немесе) бизнес және (немесе) құқық саласындағы басшылық қызметте кемінде 3 жыл жұмыс тәжірибесінің;
3) денсаулық сақтау және (немесе) экономика және (немесе) бизнес және (немесе) құқық саласындағы қоғамдық бірлестіктердің мүшесі.
Мынадай:
1) соттылығы өтелмеген немесе алынбаған;
2) заңды тұлғаны банкрот деп тану туралы шешім қабылданғанға дейін бір жылдан астам осы заңды тұлғаның басшысы болған;
3) бұрын сыбайлас жемқорлық құқық бұзушылық жасаған;
4) байқау кеңесінің басқа мүшесімен немесе мемлекеттік кәсіпорын басшысымен жақын туыстық және туыстық қатынастағы адамды байқау кеңесінің мүшесі ретінде сайлауға болмайды.
Конкурсқа қатысу үшін мынадай құжаттарды ұсыну қажет:
1) конкурсқа қатысу туралы өтініш (еркін нысанда жазылған);
2) мемлекеттік және орыс тіліндеріндегі түйіндеме;
3) өмірбаян (еркін нысанда жазылған);
4) үміткердің жеке басын куәландыратын құжаттың көшірмесі;
5) жоғары білімі туралы құжаттың көшірмесі;
6) Кодекстің 35-бабында көрсетілген еңбек қызметін растайтын құжаттардың көшірмелері;
7) Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген соттылығы және сыбайлас жемқорлық құқық бұзушылықтары жоқ екендігін растайтын құжаттар.
Конкурсқа қатысушы өзінің біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар, алдындағы жұмыс орнының басшылығынан ұсыным) беруіне болады.
Қатысушы мемлекеттік кәсіпорынның лауазымды адамдарына қатысты үлестілігі туралы мәліметті ұсынады.
Қатысушы конкурстық өтінімнің түпнұсқасын "Түпнұсқа" деп белгіленген конвертке салып мөрлейді. Бұл конвертте қатысушының тегі, аты, әкесінің аты (ол болған кезде) және мекенжайы көрсетілуі тиіс. Содан кейін конверт сыртқы конвертке салынып мөрленеді.
Ішкі және сыртқы конверттер:
1) шақыруда немесе мерзімдік басылымдағы ақпаратта көрсетілген мекенжай бойынша тиісті саладағы уәкілетті органға (жергілікті атқарушы органға) бағытталуы;
2) "_____________________ – мемлекеттік кәсіпорынның байқау кеңесі мүшелерінің конкурсы" және "____________ дейін ашуға болмайды" (шақыруда немесе мерзімдік басылымда көрсетілген конвертті ашу күні мен уақыты) деген сөздерді қамтуы тиіс.
Құжаттарды қабылдау басталатын күн: 09.06.2023ж.
Құжаттар хабарландыру жарияланған күннен бастап күнтізбелік отыз күннің ішінде мына мекенжайға ұсынылуы тиіс: Жамбыл облысы, Тараз қаласы, Желтоқсан көшесі, 78, 331 кабинет.
Конкурсты өткізу күні – конкурсқа қатысу туралы өтінішті ұсыну мерзімдері аяқталғаннан кейінгі жұмыс күні.
Конкурсқа қатысушылар қойылатын талаптарға кандидаттың сәйкестігіне жүргізілген бағалау нәтижелері бойынша Жамбыл облысы әкімдігінің денсаулық сақтау басқармасында әңгімелесу өтеді.