Қазақстанда алғашқы республикалық «Кітап оқитын ұлт» кітап оқу марафонына тіркелу басталды. Жоба еліміздің барлық өңірінен қатысушыларды біріктіріп, кітап оқуды насихаттау мен оқу мәдениетін дамытуға бағытталған ең ауқымды ұлттық бастамалардың біріне айналмақ.
Марафон 2026 жылғы қыркүйек айынан 2027 жылғы сәуірге дейін қазақ және орыс тілдеріндегі екі лигада өтеді. Жоба 7 бағытты қамтиды:
- «Кітап оқитын мектеп» — 6–10 сынып оқушылары;
- «Кітап оқитын колледж» — колледж студенттері;
- «Кітап оқитын университет» — жоғары оқу орындарының студенттері;
- «Кітап оқитын педагог» — мектеп мұғалімдері мен колледж оқытушылары;
- «Кітап оқитын әулет» — отбасылық командалар;
- «Кітап оқитын мемлекеттік қызметші» — мемлекеттік қызметшілер;
- «Кітап оқитын зияткер» — жасына және қызмет саласына шектеу қойылмайтын барлық азаматтар.
Әр қатысушы өз бағыты бойынша арнайы іріктелген 330 кітаптан тұратын қордан 15 кітап оқуы қажет. Оның 165-і қазақ тілінде, 165-і орыс тілінде ұсынылған. Кітаптар тізіміне отандық авторлардың шығармалары, әлем классикасы және заманауи туындылар енді. Тізімді жасақтау кезінде жалпыұлттық дауыс беру қорытындысы бойынша «100 кітап» тізіміне енген шығармалар, сондай-ақ әдебиет саласындағы Нобель сыйлығының лауреаттары жазған туындыларды қоса алғанда, әлемдік бестселлерлер де ескерілді.
Негізгі оқу кезеңі биыл қыркүйек айында басталып, 2027 жылғы наурызға дейін жалғасады. Осы уақытта қатысушылар кітаптарды оқып, жеке кабинетінде пікірлерін жариялап отырады. Ал 2027 жылғы наурыз–сәуір айларында қорытынды тестілеу мен зияткерлік квиздер өткізіледі.
Өңірлік кезеңдердің жеңімпаздары мен жүлдегерлеріне ақшалай сыйлықтар табысталады: 1-орын — 600 000 теңге; 2-орын — 450 000 теңге; 3-орын — 300 000 теңге.
Барлық финалист дипломдармен және электронды сертификаттармен марапатталады.
«Кітап оқитын ұлт – Читающая нация» қоғамдық қорының төрағасы Бақытжан Тұрлыбековтің айтуынша, жобаның негізгі мақсаты байқаудың өзімен ғана шектелмейді.
«Бүгін біз «Кітап оқитын ұлт» алғашқы республикалық марафонына тіркелуді ашып, осылайша жасы, мамандығы мен қызығушылығы әртүрлі адамдарды кітап төңірегіне біріктіретін үлкен жалпыұлттық қозғалысқа жол ашып отырмыз.
Баршаңызды марафонға қатысуға шақырамын. Бірлесе отырып, кітап оқуды Қазақстандағы заманауи өмірдің маңызды құрамдас бөлігіне айналдыра аламыз деп сенемін. Сондай-ақ зерделі ұлттың — қуатты, білімді әрі ойлайтын ұлт екенін көрсете аламыз», — деді Бақытжан Тұрлыбеков.
Қатысу ережелері, бағыттар бойынша регламенттер және кітаптар тізімі жобаның ресми сайтында жарияланған: www.reading-nation.kz
Республикалық «Кітап оқитын ұлт» марафонын жүзеге асыруға жобаның бірқатар маңызды серіктестері де атсалысуда. Қазақстан Жазушылар одағы, Креативті индустрияларды дамыту қоры, KITAP және «Яндекс Кітаптар» цифрлық платформалары оқу мәдениетін дамытуға, заманауи әдеби бастамаларды қолдауға және оқырмандардың кітаппен өзара байланысуына жаңа мүмкіндіктер жасауға ықпал етпек.
Жоба Қазақстан Республикасы Мәдениет және ақпарат министрлігінің қолдауымен жүзеге асырылуда.
Жамбыл облысы бойынша 38342 оқушыны киім-кешекпен, кеңсе тауарларымен қамтамасыз ету жоспарланған.
Шара аясында 1 балаға шаққанда 66600 теңге көлемінде қаржылай көмек қарастырылып отыр. Бүгінгі күнге 32136 балаға 2,1 млрд теңге көлемінде қаржы аударылды. 2025 жылы облыс бойынша бір реттік ақшалай әлеуметтік көмек 41 327 оқушыға көрсетілді. Бұл қаражат өткен жылмен салыстырғанда 13483 теңгеге артып отыр (өткен жылы 1 балаға 53117 теңге). Қәзіргі уақытта жұмыстар жоспарға сәйкес жалғасуда.
Қазақстан Республикасы Үкіметінің 2008 жылғы 25 қаңтардағы №64 қаулысымен бекітілген 1-тармағына сәйкес қаржылай және материалдық көмек алушылардың 5 санаты белгіленген.
Атап айтқанда:
- мемлекеттік атаулы әлеуметтік көмек алуға құқығы бар отбасылардан шыққан балалар;
- мемлекеттік атаулы әлеуметтік көмек алмайтын, жан басына шаққандағы орташа табысы ең төменгі күнкөріс деңгейінің шамасынан төмен отбасылардан шыққан балалар;
- жетім балалар және ата-анасының қамқорлығынсыз қалып, отбасыларда тұратын балалар;
- төтенше жағдайлардың салдарынан шұғыл жәрдемді талап ететін отбасылардан шыққан балалар;
- білім беру ұйымының алқалы басқару органы айқындайтын өзге де санаттағы білім алушылар мен тәрбиеленушілер.
Сонымен қатар, жыл сайын дәстүрлі түрде ұйымдастырылып келе жатқан «Мектепке жол» жалпыреспубликалық қайырымдылық акциясы 1 тамыз - 30 қыркүйек аралығында жүргізіледі.
Акция аясында демеушілер есебінен әлеуметтік осал топтардың балаларына тиісті қолдау көрсету мақсатында мектеп формасымен, оқу құралдарымен 4500 баласын қамтамасыз ету жоспарланып отыр.
ТАСЕМЕНОВ АЙБЕК ЖАХАНБАЙҰЛЫ
Жамбыл облысы әкімінің аппараты, индекс 080008, Тараз қаласы, Абай даңғылы, 125 үй, 101 кабинет
Байланыс телефондары: 43-72-59, 8 701 75 333 76
Е-mail: a.tassemenov@zhambyl.gov.kz
ЖАМБЫЛ ОБЛЫСЫ ӘКІМІ АППАРАТЫНЫҢ ӘДЕП ЖӨНІНДЕГІ УӘКІЛІНІҢ МЕМЛЕКЕТТІК ҚЫЗМЕТШІЛЕР МЕН АЗАМАТТАРДЫ ҚАБЫЛДАУ КЕСТЕСІ
ҚАБЫЛДАУ КҮНДЕРІ
Апта сайын, бейсенбі күні 15.00 – 18.00
№101 кабинет
Егер Сіз мемлекеттік қызметшілердің қызметтік әдеп нормаларын бұзу фактілеріне тап болсаңыз, мына нөмірге қоңырау шалуыңызға болады
+7 701 75 333 76
Тараз қаласында Қазақстан Республикасы Оқу-ағарту министрлігінің «Ұлттық ғылыми-практикалық дене тәрбиесі орталығының» ұйымдастыруымен «Ұлттық мектеп лигасының» республикалық кезеңінің ашылу салтанаты өтті. Ауқымды спорттық шараға республиканың барлық аудан-қалаларынан келген жас спортшылар, дене шынықтыру пәні мұғалімдері, жаттықтырушылар, төрешілер және спорт жанашырлары қатысты.
Іс-шараның басты мақсаты – оқушылар арасында бұқаралық спортты дамыту, салауатты өмір салтын насихаттау, жасөспірімдердің спортқа қызығушылығын арттыру, дарынды спортшыларды анықтап, қолдау көрсету.
Салтанатты шара «Салтанат» биімен басталып, Қазақстан Республикасының Мемлекеттік Гимні орындалды. Ашылу рәсімінде сөз алған құрметті қонақтар қатысушыларға сәттілік тілеп, спорттың жас ұрпақ тәрбиесіндегі маңыздылығына тоқталды.
Шара барысында ұйымдастырушылар Ұлттық мектеп лигасының оқушылардың жан-жақты дамуына, көшбасшылық қасиеттерінің қалыптасуына және бұқаралық спорттың өркендеуіне қосып отырған үлесін ерекше атап өтті.
Биылғы жарыстар Қазақстан Республикасы Оқу-ағарту министрлігі мен тиісті мемлекеттік органдар бекіткен ережеге сәйкес спорттың 10 түрі бойынша өткізіліп, 800 жуық баланы қамтиды. Атап айтқанда:
* Баскетбол – «Алтын доп»;
* Волейбол – «Шұбар доп»;
* Гандбол – «Ұшқыр доп»;
* Футбол – «Былғары доп»;
* Тоғызқұмалақ;
* Үстел теннисі;
* Асық ату және бес асық;
* Шахмат – «Ақбозат»;
* Футзал – «Теңбіл доп»;
* Жеңіл атлетика.
Жарыстар 5–6 сынып, 7–8 сынып және 9–11 сынып оқушылары арасында өткізіліп, әр жас ерекшелігі бойынша үздіктер анықталады.
Мерекелік іс-шара барысында өнерпаз оқушылардың орындауындағы әндер мен би композициялары көрермендерге көтеріңкі көңіл-күй сыйлады. «Вокал» студиясының тәрбиеленушілері орындаған музыкалық нөмірлер жас спортшыларға ерекше рух берді.
Ұлттық мектеп лигасы бүгінде еліміздегі ең ауқымды мектептік спорт жобаларының бірі саналады. Жоба оқушылардың спортпен жүйелі айналысуына мүмкіндік беріп қана қоймай, олардың достық қарым-қатынасын нығайтуға, жеңіске деген жігерін шыңдауға ықпал етеді.