ЖАМБЫЛДЫҚ ЖАС ДАРЫН ГРЕЦИЯҒА ЖОЛДАМА АЛДЫ

Алматы қаласындағы Нархоз университетінде өткен экономика пәні бойынша республикалық олимпиадада Жамбыл облысының оқушылары жарқын жеңіске қол жеткізді.

Дарынды ер балаларға арналған мамандандырылған «БІЛІМ-ИННОВАЦИЯ» лицей-интернатының 9-сынып оқушылары:

— Мұратәлі Ерсұлтан алтын медаль иеленді;

— Мәліктай Ерназ күміс медаль иеленді.

Ең басты жетістік – Мұратәлі Ерсұлтан халықаралық кезеңге жолдама алып, тамыз айында Грецияда өтетін білім додасында Қазақстан намысын қорғайтын болады.

Экономика пәні бойынша бұл олимпиада 2016 жылдан бері халықаралық деңгейде өткізіліп келеді. Қазіргі таңда 30-дан астам елдің оқушыларын біріктіретін беделді білім сайысына айналған. Қазақстанда олимпиада 2023 жылдан бері ұйымдастырылып, оның ресми операторы – Нархоз университеті.

Жас дарындарымызды жеңістерімен құттықтаймыз! Халықаралық кезеңде де биік белестерді бағындыруына тілектеспіз!