2026 жылдың 22 сәуір күні облыстық оқу-әдістемелік орталығының ұйымдастыруымен жаратылыстану-математикалық бағытындағы пәндерді оқытатын жас мамандардың құндылыққа негізделген білім мазмұнын жетілдіру бойынша әдіс-тәсілдерді қолданудың тиімді жолдарын анықтау және жас мамандарға кәсіби бағыт-бағдар беру, әдістемелік көмек көрсету мақсатында Айша бибі атындағы дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының базасында «Құндылыққа негізделген білім мазмұны: жетістікке жету жолдары» тақырыбында ашық есік күні өтті.
Іс-шара барысында облыстық Айша бибі атындағы дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының озық тәжірибелі педагогтері құндылықтарды оқу үрдісіне тиімді енгізу мен оқушының бойында тұлғалық қасиетін қалыптастырудағы рөлі, күрделі тақырыптарды тиімді меңгертудің, цифрлық технологияларды қолданудың, пәнаралық байланысты жүзеге асырудың және оқушылардың функционалдық сауаттылығын арттырудың заманауи әдіс-тәсілдерімен таныстырды. Сонымен қатар, білім сапасын арттыруда ақпараттық-коммуникативтік технологияларды пайдаланудың тиімділігі, жасанды интеллект мүмкіндіктерін тиімді пайдалану арқылы оқушылардың жаратылыстану, математикалық сауаттылығын дамытуға арналған әдіс-тәсілдер, сабақты жүйелі жоспарлау бойынша іс-тәжірибесімен бөлісіп, жас мамандарға әдістемелік көмек көрсетті.
Аталған іс-шараға аудандар мен Тараз қалалық білім бөлімдерінің математика, физика, география, химия, биология, информатика пәнінің мұғалімдері, барлығы 50 педагог қатысты.