Байзақ аудандық аумақтық сайлау комиссиясының «Дүниежүзілік сайлау күніне» арналған іс-шаралар жоспарына сәйкес №128 сайлау учаскесі орналасқан Ғани Мұратбаев атындағы гимназияда 8–10 сынып оқушылары арасында «Тәуелсіз мемлекеттегі сайлаудың маңызы» тақырыбында эссе байқауы өтті.
Байқауға жалпы 60 оқушы қатысып, өз ой-пікірлері мен азаматтық көзқарастарын эссе арқылы ортаға салды.
Шараның негізгі мақсаты – оқушыларға тәуелсіз елдегі сайлаудың маңызын ұғындыру, олардың азаматтық көзқарасын қалыптастыру, құқықтық сауаттылығын арттыру және сайлаудың мәні мен маңызын түсіндіру.