Ағымдағы жылғы 8 желтоқсанға тағайындалған аудандық мәслихаттың №9 бірмандаттық аумақтық сайлау округі бойынша шығып қалған депутатының орнына сайлауды әзірлеу мен өткізу бойынша Байзақ ауылдық клубта Жамбыл облыстық аумақтық сайлау комиссия мүшелері Мерей Амангелді мен Әсел Қалдарбекованың қатысуымен Байзақ аудандық аумақтық сайлау комиссиясының ұйымдастыруымен семинар-тренинг өткізілді.
«Шығып қалған аудандыдық мәслихат депутатының орнына сайлау өткізудің теориялық және практикалық негіздері» тақырыбында өткен семинар-тренингтің мақсаты №9 округтік сайлау комиссия және №125, 470 учаскелік сайлау комиссиялары мүшелерінің біліктілігін арттыру болып табылады.
Семинар-тренингте сайлаушылар тізімімен жұмыс отқару және сайлаушыларды тізімге енгізу тәртібі, ережеге сәйкес сайлау құжаттарын қаттап және мөр басып жоғары тұрған комиссияға өткізу және дербес деректерді жою тәртібі, мәслихат депутаттарының сайлауына қатысты белгіленген нысандағы хаттамалар мен журналдарды толтыру туралы айтылды.
Сонымен қатар, байқаушылар, БАҚ өкілдері және сенім білдірген адамдардың қызметін қамтамасыз етудің алгоритмі, дауыс беру үй-жайындағы тәртіп ережелер нормасының сақталуын қамтамасыз ету, мәслихат депутатын сайлау кезінде дауыс беруді ұйымдастыру, дауыстарды санау, қайта дауыс беру және сайлау қорытындыларын анықтау алгоритмі, мүгедектігі бар сайлаушыларға дауыс беруді ұйымдастыру туралы аудандық аумақтық сайлау комиссия мүшелері дәріс берді.
Аудандық аумақтық сайлау комиссиясы төрағасының орынбасары Абдан Тулепбергенов семинар жұмысын қорытындылай келе семинарға қатысушыларға алдағы сайлауға сәттілік тіледі.