Байзақ ауданы аумағында барлық кандидаттар үшін үгіттік баспа материалдарын орналастыру үшін орындарды белгілеу
Қазақстан Республикасының «Қазақстан Республикасындағы сайлау туралы» Конституциялық Заңына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, Байзақ ауданының әкiмдiгi ҚАУЛЫ ЕТЕДI:
- Байзақ ауданы аумағында барлық кандидаттар үшін үгіттік баспа материалдарын орналастыру үшін орындары осы қаулының қосымшасына сәйкес белгіленсін.
- Байзақ аудандық әкімшілігінің 2014 жылғы 12 қыркүйектегі № 496 «Кандидаттарға сайлаушылармен кездесулер өткiзу үшiн шарттық негізде үй-жайлар беру және барлық кандидаттар үшін үгiттiк баспа материалдарын орналастыру үшiн орындарды белгiлеу туралы» қаулысының (Нормативтік құқықтық актілерді мемлекеттік тіркеу тізілімінде № 2345 болып тіркелген) күші жойылды деп танылсын.
- «Байзақ ауданы әкімінің аппараты» мемлекеттік мекемесі заңнамада көрсетілген тәртіппен:
1) осы қаулыны Байзақ ауданы әкімдігінің интернет-ресурсында орналастыруды қамтамасыз етсін.
- Осы қаулының орындалуын бақылау Байзақ ауданы әкімі аппаратының басшысына жүктелсін.
- Осы қаулы оның алғашқы ресми жарияланған күнінен бастап қолданысқа енгізіледі.
|
Байзақ ауданының әкімі
|
|
Б. Казанбасов
|
«КЕЛІСІЛДІ»
Байзақ аудандық
аумақтық сайлау
комиссиясы