Қазақстанда туризм саласын халықаралық деңгейге шығару бағытында ауқымды жұмыстар жүргізіліп жатыр. Бұл ретте еліміздің туристік әлеуетін арттыруға бағытталған жобалардың, соның ішінде Көкжайлау жобасының маңызы зор. Туризмді дамытуда тарихи және табиғи нысандарға бай өңірлердің әлеуетін тиімді пайдалану маңызды. Осы тұрғыдан алғанда, екі мың жылдан астам тарихы бар Тараз қаласы да туристік бағыттардың қатарында.
Жамбыл облысында көне қалашықтар, тарихи-мәдени және сәулет ескерткіштерімен қатар, көрікті тау шатқалдары мен табиғи нысандар тоғысқан.
Өңірдің туристік әлеуетіне деген қызығушылықтың артып келе жатқаны келушілер санының өсуінен де байқалады. Жыл басынан бері Жамбыл облысына 120 мыңнан астам турист келген.
Бұл көрсеткіш өткен жылдың сәйкес кезеңімен салыстырғанда 21 пайызға жоғары.
Тарихы терең Тараз бен өңірдегі тарихи және табиғи нысандарды халықаралық деңгейде таныту Жамбылдың туристік тартымдылығын арттыруға мүмкіндік береді.
Ауданымызда мемлекеттік қызметшілердің сыни ойлау қабілетін, өз ойын дәлелді жеткізу және көпшілік алдында сөйлеу мәдениетін және командалық жұмысын дамытуға бағытталған «Ыстық қайрат, нұрлы ақыл, жылы жүрек» атты аудандық пікірсайыс турнирі өтті.
Танымдық әрі тәжірибелік маңызы жоғары шараға ауданның мемлекеттік органдарында қызмет атқаратын мемлекеттік қызметшілер қатысып, өзара пікір алмасты.
Іс-шараның ашылуында ауданы әкімі аппаратының басшысы Асылжан Құрманов қатысушыларға сәттілік тілеп, мұндай пікірсайыстардың мемлекеттік қызметшілердің кәсіби біліктілігін арттырудағы маңызын атап өтті.
Турнир барысында қатысушылар өз білімдері мен шешендік шеберліктерін ортаға салып, берілген тақырыптар бойынша жақтаушы және қарсы тарап ретінде пікір таластырды. Әр команда екі қатысушыдан жасақталып, бірінші және екінші спикерлер өз позицияларын дәйекті аргументтермен қорғады.
Жарыс қорытындысы бойынша І орынды - “PRIME ERA” командасы,
ІІ орынды - “Адал Ел” командасы,
ІІІ орынды - “ Ұшқыр ой” және “Батыл ой-үлкен өзгеріс” командасы иеленді.
Жеңімпаздар мен жүлдегерлерге арнайы грамоталар, Алғыс хаттар және естелік сыйлықтар табысталды.
Ауданымызда «Ауыл спорт – 2026» өңірлік турнирінің салтанатты ашылу рәсімі өтті.
Салтанатты шараға арнайы қатысқан аудан әкімі спортшылар мен қатысушыларды жарыстың басталуымен құттықтап, ауыл жастары арасында салауатты өмір салтын қалыптастыру мен спортты кеңінен насихаттаудың маңызына тоқталды. Сондай-ақ, дүбірлі додаға қатысушыларға сәттілік тілеп, жеңіс жолында табандылық танытуға шақырды.
Өңірлік турнир ауыл жастарын бір алаңға жинап, олардың спорттағы шеберлігін шыңдауға мүмкіндік беріп отыр. Жарыс барысында қатысушылар волейбол, баскетбол, үстел теннисі, кіші футбол, еркін күрес, бокс, каратэ WKF және шахмат сынды спорттың бірнеше түрінен бақ сынайды.
Турнир барысында спортшылар тек жүлде үшін ғана емес, өз ауылдарының намысын қорғап, командалық рух пен жігерін көрсетеді. Мұндай жарыстар ауыл жастарының бос уақытын тиімді ұйымдастырып, олардың спортқа деген ынтасын арттыруға жол ашады.
Ауыл жастары мен өскелең ұрпақ үшін тағы бір қуанышты орын пайда болды. Мемлекет басшысының тапсырмасы аясында Түймекент ауылында спортты насихаттау және салауатты өмір салтын қолдау мақсатында жаңадан бой көтерген кіші футбол алаңшасы ел игілігіне берілді.
Салтанатты ашылу рәсімінде аудан әкімі құттықтау сөз сөйлеп, жастарды спортпен белсенді шұғылдануға шақырды және ауыл тұрғындарын осынау маңызды оқиғамен құттықтады.
Бұл игі бастаманың жүзеге асуына қолдау көрсеткен демеуші – «АРАЙ» Групп компаниясының басшысы Арман Еділбаевқа аудан басшысы мен ауыл тұрғындары өз алғыстарын жеткізді
Сондай-ақ шара барысында Түймекент ауылдық округінің ақсақалдар алқасының төрағасы Оспанов Бақыт жастарға сәттілік тілеп, «Жастар – болашағымыздың тірегі, ал денсаулық – басты байлық. Жаңа алаңша ауыл жастарының бос уақытын тиімді өткізіп, спортта биік белестерді бағындыруына септігін тигізсін!», - деп өз батасын берді.
Бұл алаң – болашақ чемпиондар шығатын қасиетті орынға айналсын!
Байзақ ауданында отбасы құндылықтарын дәріптеу және Қазақстан Республикасы Конституциясының қоғамдағы маңызын насихаттау мақсатында өткен «Отбасылық құндылықтар және Конституция» республикалық конкурсының аудандық кезеңі қорытындыланып, жеңімпаздарды марапаттау рәсімі өтті.
Іс-шараны Байзақ ауданы әкімдігінің жұмыспен қамту және әлеуметтік бағдарламалар бөлімінің «Отбасын қолдау орталығы» ұйымдастырды
Салтанатты жиынға Байзақ ауданы әкімінің орынбасары Рүстем Қалмұхамбетұлы Қасымов қатысып, отбасы институтын нығайту – мемлекеттік саясаттың маңызды бағыттарының бірі екенін атап өтті. Ол байқауға қатысқан барлық отбасыларға алғысын білдіріп, олардың жас ұрпаққа үлгі болып отырғанын жеткізді.
Байқау қорытындысы бойынша:
І орын – Есбергеновтар отбасы
ІІ орын – Тауасаровтар отбасы
ІІІ орын – Жетпісбаевтар отбасы
Сонымен қатар, белсенді қатысқаны үшін бірқатар отбасылар Алғыс хаттармен марапатталды.
Жеңімпаз Есбергеновтар отбасын аудандық кезеңдегі жарқын жеңісімен құттықтай отырып, алдағы облыстық кезеңде сәттілік тілейміз.
Басқа жерлердегідей ауданымызда да тазалық жұмыстары қызу қолға алынды. Әсіресе әр сенбі күні қай ауылдық округтерде болмасын ауылдың төңірегі, көше бойлары, әрбір үйдің маңайы тазалануда. Сондай-ақ қураған ағаштар ретке келтіріліп, қоқыстар сыртқа шығарылуда. Бірнеше жылдан бері ескерусіз қалған газ трубалары сырланып, ауылдарға рең беріле бастады. Әрбір ауылдың тазалығы аудан басшыларының назарында. Аудан әкімінен бастап орынбасарларыда бұл жұмыстарды жіті қадағалап, тазалыққа басымдық беруде.
Аудан әкімінің орынбасары Қуаныш Бүркітәлиев өткен аптаның сенбісі күні Бәйтерек ауылдық округіне арнайы жұмыс сапарымен барып, өңірдің бет-бейнесімен танысып қайтты. Сапар барысында Қуаныш Қалмаханұлы округке қарасты Базарбай, Көкбастау, Төрегелді, Тегістік ауылдарында болып, әрбір көше бойын жаяу аралап шықты.
Сөйтіп санитарлық тазалықты қамтамасыз ету, абаттандыру жұмыстарын ұтымды ұйымдастыру, заңсыз қоқыс үйінділерінің алдын алу, балалардың ойын алаңдары мен спорт алаңдарын күтіп ұстау, көгалдандыру жұмыстарына басымдық беруді тапсырды.
Әрбір елдімекеннің инфрақұрылымы, тазалығы және әлеуметтік жағдайы жіті тексерілді. Нәтижесінде ауыл тұрғындарының тұрмысын жақсарту бағытында жауапты сала басшыларына нақты тапсырмалар жүктеді. Ал оның орындалуына мерзім белгіленіп, қайта тексерілетіні қатаң ескертілді. Бұл ретте округ әкімі Қуаныш Жұмановқа тазалық жұмысына ауыл тұрғындарын ұйымдастыру тапсырылды. Төрт ауылдан тұратын округте тазалық жұмыстары сенбі күніне қарамастан қызу жүргізіле бастады.
“Тазалық тазалаған жерде емес, таза ұстаған жерде болады” демекші, ауыл тұрғындарының өз ауылдарын таза ұстағандары жөн. “Тазалық-денсаулық кепілі” екенінде естен шығарып алмайық.
Жұмыс сапары соңында аудан әкімінің орынбасары Қуаныш Қалмаханұлы “Жұмыс көзбен көріп, қолмен атқарғанда ғана нәтижелі болмақ”,- деп атап өтті. Ал біздің бұған алып-қосарымыз жоқ.
Жамбыл облысында алдағы қысқы кезеңге мал шаруашылығын дайындау жұмыстары қорытынды кезеңге жақындады. Биыл өңірдегі шаруашылықтарда 4,1 миллион басқа жуық мал қыстатылады деп жоспарланып отыр. Бұл өткен жылмен салыстырғанда 315,4 мың басқа артық.
Қысқы мал азығының жеткілікті болуы – қыстаудың ойдағыдай өтуінің негізгі шарттарының бірі. Осыған байланысты облыстың барлық аудандарында қажетті жем-шөп көлемі алдын ала есептеліп, азықтық баланс нақтыланған.
2026-2027 жылдардағы қысқы кезеңге жалпы 2,2 миллион тонна шөп, 141,2 мың тонна пішендеме, 117 мың тонна сүрлем, 484 мың тонна сабан және 364 мың тонна құрама жем дайындау көзделген.
Қыс мезгілінде облыс бойынша 474,3 мың бас ірі қара, 3,4 миллион бас қой-ешкі, 218,1 мың бас жылқы және 8,7 мың бас түйе қамтылады деп күтілуде.
Мал азығын дайындау үшін өңірде 305 мың гектар шабындық алқап белгіленген. Оның 172,1 мың гектары көпжылдық және біржылдық шөп егілген жерлер болса, 129,9 мың гектары табиғи шабындықтарға тиесілі.
Бүгінде жем-шөп дайындау жұмыстары жоспарға сәйкес қарқынды жүргізілуде. Атап айтқанда, 2,1 миллион тонна шөп жиналып, белгіленген меженің 94,2 пайызы орындалды. Сабан дайындау көлемі 392,5 мың тоннаға немесе жоспардың 81,1 пайызына жетті. Сонымен қатар 124,2 мың тонна пішендеме әзірленіп, бұл жоспардың 88 пайызын құрады. Құрама жем бойынша 203,8 мың тонна дайындалып, меженің 56 пайызы қамтамасыз етілді.
Қазіргі таңда мал азығын жинау жұмыстары жалғасып жатыр. Жыл соңына дейін қажетті қорды толық қалыптастыру жоспарланған. Жалпы көлемі 3,3 миллион тоннаға жеткізілетін жем-шөп қоры алдағы қысқы маусымда мал басын қажетті азықпен үздіксіз қамтамасыз етуге мүмкіндік береді.
Осылайша, өңірдегі шаруашылықтар үшін басты міндет – қалған кезеңде жем-шөп дайындау қарқынын сақтап, қысқы мал қыстауын толық дайындықпен қарсы алу.
В минувшую субботу в рамках республиканской экологической акции «Таза Қазақстан» («Чистый Казахстан») в парке отдыха районного центра состоялся общерайонный субботник.
В мероприятии принял участие аким района Олжас Баккараев. Он отметил, что работники общественных работ вносят значительный вклад в поддержание чистоты в районном центре и населённых пунктах. По его словам, уважение к их труду, а также бережное отношение к окружающей среде являются общей обязанностью каждого. Кроме того, аким подчеркнул, что во всех сельских округах ведётся постоянный контроль за соблюдением порядка и чистоты, а каждый житель должен ответственно относиться к благоустройству своего двора и окружающей территории, внося свой вклад в соблюдение санитарных требований.
Председатель районного маслихата Бактияр Акбаев отметил важность мероприятий, которые в последние годы регулярно проводятся с целью поддержания чистоты окружающей среды и формирования экологической культуры населения.
В общерайонном субботнике приняли участие заместители акима района, руководители отделов районного акимата, государственных учреждений и предприятий, ветераны района, члены Общественного совета и Совета матерей, а также представители молодёжи. Участники выполнили работы по благоустройству и санитарной очистке территории парка: убрали сорную растительность, собрали сухие ветви и очистили территорию от мусора.
«Бережное отношение к природе — это общественная ценность. Чистота родного края — общий долг каждого гражданина. Такая работа не должна ограничиваться только субботниками, а должна стать неотъемлемой частью повседневной жизни. Если каждый житель будет соблюдать чистоту и выбрасывать бытовые отходы только в специально отведённых местах, это станет значительным вкладом в общее дело», — отмечают участники акции.
По словам участников, экологическая акция «Таза Қазақстан», инициированная Главой государства Касым-Жомартом Токаевым, уже приносит ощутимые результаты. Она способствует формированию экологической культуры в обществе и повышению ответственности граждан за состояние окружающей среды. Особое значение имеет то, что сам Президент выступил инициатором и поддержал эту важную инициативу, что способствовало её широкому распространению среди населения.
Наш народ всегда придавал большое значение чистоте. Чистота и благоустройство родной земли являются отражением уровня культуры общества и гражданской ответственности каждого человека. Чистые улицы, благоустроенные дворы, озеленённые парки и ухоженные общественные пространства свидетельствуют о любви жителей к своей малой родине и их ответственном отношении к ней. Поэтому проведение подобных мероприятий во всех сельских округах на постоянной основе будет способствовать дальнейшему благоустройству нашего района, считают представители старшего поколения.
Действительно, в последние годы всё больше жителей проявляют ответственное отношение к окружающей среде, стремятся поддерживать чистоту и вносить свой вклад в создание комфортной и гармоничной среды. Там, где царят порядок и взаимное уважение, нет места равнодушию.
Создание комфортной, безопасной и чистой среды — общая задача каждого из нас. Поэтому важно помнить, что сохранение чистоты родного края является общей ответственностью всех жителей.
Жамбыл облысының әкімі Ербол Қарашөкеевтің төрағалығымен егін жинау науқанының өту барысы және мал азығын дайындау жұмыстарының жай-күйі бойынша аппараттық кеңес өтті.
Ауыл шаруашылығы басқармасының басшысы Әбдірәсіл Желеубаевтың айтуынша, өңірде егін жинау науқаны жоғары қарқынмен жалғасуда. Биыл егіс алқаптарының жалпы көлемі 654,9 мың гектарды құрап, ауыл шаруашылығы дақылдарының құрылымы қайта өңдеу кәсіпорындарын шикізатпен тұрақты қамтамасыз етуге бағытталды.
Атап айтқанда, 377,2 мың гектарға дәнді және дәнді бұршақты дақылдар, 43,4 мың гектарға майлы дақылдар, 9,9 мың гектарға қант қызылшасы, 8,6 мың гектарға картоп, 29 мың гектарға көкөніс, 9 мың гектарға бақша дақылдары және 177,6 мың гектарға мал азығы дақылдары орналастырылды.
Сонымен қатар өңірде ауыл шаруашылығы өнімдерін терең өңдеу бағытындағы ірі инвестициялық жобалар кезең-кезеңімен жүзеге асырылуда. Соның бірі – қытайлық Fufeng Group компаниясының жүгеріні терең өңдеуге арналған өндірістік кешені. 2026 жылы жобаның бірінші кезеңін іске қосу жоспарланып отыр. Бұл кезеңде жылына 500 мың тонна жүгері өңделсе, кәсіпорын толық қуатына шыққан кезде өңдеу көлемі 3 млн тоннаға жетеді. Жобаның жалпы құны – 800 млрд теңге.
Осыған байланысты өңірде дәндік жүгері алқабы 25,6 мың гектарға дейін ұлғайтылып, биыл 179 мың тонна өнім жинау жоспарланып отыр. Бұл өткен жылмен салыстырғанда едәуір жоғары көрсеткіш.
Сондай-ақ қант қызылшасы алқабы 9,9 мың гектарға жеткізіліп, биыл 450 мың тонна өнім өндіру көзделген. Жиналған өнім облыстағы екі қант зауытында өңделеді. Тараз қант зауыты 25 жылдан кейін қайта жаңғыртылып, жаңа маусымнан бастап 200 мың тонна қант қызылшасын қабылдайды. Ал Меркі қант зауытының жылдық өңдеу қуаты 250 мың тоннаны құрайды. Нәтижесінде өңірде жалпы 44 мың тоннаға жуық қант өндіру жоспарланып отыр.
Егін жинау жұмыстарына қажетті материалдық-техникалық ресурстар толық дайындалған. Биыл облыста 109,7 мың тонна минералды тыңайтқыш енгізу жоспарланып, бүгінгі күнге дейін оның 102,8 мың тоннасы немесе 93,8 пайызы егіс алқаптарына енгізілді.
Күзгі дала жұмыстарын уақытылы жүргізу үшін өңірге 8,3 мың тонна дизель отыны бөлінді. Шаруалар үшін жеңілдетілген баға литріне 288 теңге болып белгіленді. Бұл нарықтық бағадан 47–52 теңгеге немесе шамамен 13 пайызға төмен. Қазіргі таңда облысқа 1,7 мың тонна дизель жеткізіліп, оның 407 тоннасы ауыл шаруашылығы тауарын өндірушілеріне таратылды.
Егін жинау науқанына 10 мыңнан астам ауыл шаруашылығы техникасы, оның ішінде 490 астық жинайтын комбайн, 5,4 мың трактор және 4 мыңға жуық басқа техника жұмылдырылған.
Бүгінгі күнге дейін масақты дәнді дақылдардың 257,3 мың гектары немесе 73,2 пайызы орылып, 483,2 мың тонна өнім жиналды. Оның ішінде 221,6 мың тонна бидай және 261,6 мың тонна арпа бастырылды.
Өткен жылы дәнді дақылдардың орташа өнімділігі гектарына 7,6 центнерді құраса, биыл бұл көрсеткіш 18,8 центнерге жетіп, екі еседен астам өсті.
Сонымен қатар картоп, көкөніс және бақша дақылдарын жинау жұмыстары да жоспарға сәйкес жүргізілуде. Қазіргі таңда 53,8 мың тонна картоп, 195,2 мың тонна көкөніс және 151,6 мың тонна бақша өнімдері жиналды.
Жыл қорытындысы бойынша Жамбыл облысында 3,4 млн тоннадан астам ауыл шаруашылығы өнімін өндіру жоспарланып отыр.
Өңірде 2026-2027 жылғы мал қыстату науқанына дайындық та жүйелі жүргізілуде. Алдағы қыста барлық санаттағы шаруашылықтарда 4,1 млн бас мал қыстатылады деп күтілуде. Оның ішінде 474,3 мың бас ірі қара, 3,4 млн бас қой-ешкі, 218,1 мың бас жылқы және 8,7 мың бас түйе бар.
Қысқы кезеңге қажетті жем-шөп қоры алдын ала нақтыланып, жалпы 3,3 млн тонна мал азығын дайындау жоспарланған. Қазіргі уақытта 1,9 млн тонна пішен, 344,5 мың тонна сабан, 121,9 мың тонна пішендеме және 203,8 мың тонна қоспа жем дайындалды. Мал азығын дайындау жұмыстары қараша айының соңына дейін жалғасып, жоспарланған көлем толық қамтамасыз етіледі.
Өз кезегінде өңір басшысы егін жинау науқаны жоспарлы қарқынмен жүргізіліп жатқанын, алайда қазіргі кезең жұмыстың ең жауапты сәті екенін атап өтті. Оның айтуынша, егіннің қалған бөлігін уақытылы жинап алу ғана емес, жиналған өнімді сақтау, өткізу және шаруаларды қажетті ресурстармен қамтамасыз ету мәселелерін де қатар шешу қажет.
– Алдағы қыс мезгілінде облыстағы 4,1 миллионға жуық малды азықпен қамтамасыз ету міндеті тұр. Сондықтан жем-шөп қорын қалыптастыру жұмыстарын толық аяқтауымыз қажет. Сонымен қатар күзгі егін жинау жұмыстары кезінде өрт қауіпсіздігі талаптарының сақталуын қатаң бақылауға алу маңызды. Бір ғана ұшқын мыңдаған гектар егістікті, шаруалардың бір жылдық еңбегі мен маңдай терін күлге айналдыруы мүмкін. Егін жинау науқаны барысында барлық ауыл шаруашылығы техникасының өрт қауіпсіздігі талаптарына толық сәйкестігіне ерекше назар аударылуы тиіс, – деді өңір басшысы.
Сонымен қатар облыс әкімі қант қызылшасы бойынша жоспарланған 450 мың тонна өнімді қабылдау мен өңдеуге зауыттардың әзірлігін, қабылдау пункттері мен қоймалардың жағдайын нақтылап, шаруалардың өнімін өткізуде ешқандай кедергі туындамауын қамтамасыз етуді жүктеді.
Бұдан бөлек, жүгері бойынша жоспарланған 179 мың тонна өнімді қабылдау, сақтау және өткізу мәселелерін де алдын ала пысықтап, барлық дайындық жұмыстарын қазірден бастап жүргізу қажеттігін айтты.
Жамбыл облысында 12 тамыз – Халықаралық жастар күніне орай облыс әкімінің кубогы үшін Жастар ресурстық орталықтарының қызметкерлері арасында ұйымдастырылған кіші футбол турнирінің салтанатты ашылу рәсімі өтті, деп хабарлайды baq-orda.kz.
Дәстүрлі спорттық додаға Абай, Түркістан, Қызылорда, Жамбыл облыстары мен Шымкент қаласының Жастар ресурстық орталықтарының қызметкерлерінен құралған 12 команда қатысып, өзара үздіктерді анықтайды. Турнирдің басты мақсаты – жастар арасындағы достық пен ынтымақтастықты нығайту, салауатты өмір салтын насихаттау және өңірлер арасындағы өзара байланысты дамыту.
Салтанатты ашылу рәсіміне Жамбыл облысы әкімінің орынбасары Серік Сәлемов қатысып, жарысқа қатысушыларға сәттілік тіледі. Ол мұндай спорттық іс-шаралардың жастар саясаты саласында еңбек етіп жүрген мамандардың өзара тәжірибе алмасуына, кәсіби байланыстарын нығайтуға және жаңа бастамаларды бірлесіп жүзеге асыруға ықпал ететінін атап өтті.
– Жастар – қоғамның қозғаушы күші. Осындай игі бастамалар аясында жастардың бас қосуы өңірлер арасындағы ынтымақтастықты арттырып, тың идеялар мен жобалардың жүзеге асуына жол ашады. Барлық қатысушыларға тартысты ойын мен жарқын жеңістер тілеймін, – деді Серік Сәлемов.
Турнир бірнеше күн бойы жалғасып, командалар өзара тартысты кездесулер өткізеді. Жарыс қорытындысы бойынша үздік командалар мен ойыншылар арнайы марапаттарға ие болады.
Айта кетейік, Халықаралық жастар күні аясында өңірде жастардың қоғамдық белсенділігін арттыруға, бұқаралық спортты дамытуға және жастар ұйымдары арасындағы ынтымақтастықты нығайтуға бағытталған түрлі іс-шаралар өткізу жоспарланған.