Ботамойнақ ауылдық округіне қарасты, Байзақ ауылында орналасқан. 2005 жылы халықтың және Алматы қаласының Бас имамы Құлмұхаммед қажы Маханбеттің демеушілігімен салынған. 150 адамға арналған. Ғимарат қабырғасы силикат кірпішпен қапталып, төбесі темір қаңылтырмен жабылып, шеңбері 7 метрлік үлкен күмбез қойылған. Оның жоғарғы жағына айшық орнатылған. 8 терезе, 1 есігі бар. Аулаға түрлі жеміс ағаштары отырғызылып, шарбақпен қоршалған.