14 - қаңтар күні СЕРБИЯ МЕМЛЕКЕТІНДЕ Жасөспірімдер арасында өткен Халықаралық турнирінде Александр Пушкин атындағы орта мектебінің 8- сынып оқушысы Ердулла Диана қанжығасын қола медальмен толықтырып, 3-орын иеленді.
Ердулла Диананың спортқа деген қызығушылығын байқаған әкесі оны боксқа береді. 1,5 жыл тыңғылықты дайындық пен жаттықтырушысы Ербол Байтақовтың тәжірибесінің арқасында Диана бүгінде Сербия мемлекетінде топ жарып мектебіміздің, ауданымыздың, тіпті облыс, республикамыздың атын әлемге танытып отыр. Қола медальмен оралған батыр қызымызды Александр Пушкин атындағы орта мектебінің директоры Ақмарал Бейсембайқызы мен директордың тәрбие ісі жөніндегі орынбасары А.Смаилов бастаған тәрбие орталығы мен ұжымдастар құрметпен қарсы алды. Бәйтерек ауылдық округінің әкімі Қуаныш Жетпісбайұлының алғыс хатымен және бағалы сыйлықтарымен марапатталды. Дианаға алдағы жарыстарға сәттілік тілей отырып, үлкен жетістіктерге жетуіне тілектеспіз!!!