Бәйтерек ауылдық округінде ақсақалдар алқасының 2025 жылы атқарған жұмыстары бойынша жылдық есеп беру жиналысы ұйымдастырылды. Жиналыс барысында күн тәртібіне сәйкес Бәйтерек ауылдық округінің ақсақалдар алқасының жылдық есебі тыңдалып, алқа мүшелерін сайлау және аудандық ардагерлер жиынына делегаттар ұсыну мәселелері қаралды. Іс-шараға Бәйтерек ауылдық округінің әкімі Қ.Жұманов, Байзақ аудандық ақсақалдар алқасының мүшесі Ш. Мырзабеков, округтің учаскелік полиция инспекторы Б. Қалабаев, ардагерлер кеңесінің мүшелері, қоғамдастық өкілдері және ауыл тұрғындары қатысты. Жиын қорытындысы бойынша қатысушылар ақсақалдар алқасының атқарған жұмысына оң баға берді.