«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 36-бабы 1-тармағына және «Қазақстан Республикасының мемлекеттік қызметі туралы» Қазақстан Республикасы Заңының 30-бабына сәйкес, Байзақ ауданы әкімінің 2025 жылғы 20 қаңтардағы №3-Ж/Қ өкімімен Қуаныш Жетпісбайұлы Жұманов Бәйтерек ауылдық округінің әкімі болып сайланды.
***
Жұманов Қуаныш Жетпісбайұлы 1981 жылы Жамбыл облысы, Жамбыл ауданы, Тастөбе ауылында дүниеге келген.
Еңбек жолын Жамбыл аудандық электр жүйесінде бақылаушы болып бастаған. Кейіннен Тараз қаласында «ҚожаДАР» ЖШС-де электрик, 2008-2010 жылдары Сарыкемер ауылдық округі әкімі аппаратының қаржы агенті - жетекші маманы, 2010-2012 жылдары Байзақ ауданы әкімі аппаратының қадрлық және мемлекеттік құқықтық жұмыс бөлімінің бас маманы, 2012-2013 жылдары Байзақ ауданы әкімі аппаратының ұйымдастыру және мемлекеттік құқықтық жұмыс бөлімінің бас маманы болып қызмет еткен.
2013 жылы Жамбыл мемлекеттік мүлік және жекешелендіру департаментінің мүлікті иелену бөлімінің бас маманы, 2013-2021 жылдар аралығында Бәйтерек ауылдық округі әкімінің орынбасары, 2021 жылдан Бәйтерек ауылдық округінің әкімі қызметтерін атқарған.
Үйленген, отбасында 3 бала тәрбиелеп отыр.
«AMANAT» партиясының мүшесі.