Инженерлік инфрақұрылымды дамыту. Сумен жабдықтау. шаруашылық-ауыз сумен жабдықтау қолданыстағы схема бойынша сақталады. Сумен жабдықтау көзі ретінде Саран жер асты сулары кен орнының тереңдігі 16 метр №8э артезиан ұңғымасы пайдаланылады. Су тартудың жобалық қуаты тәулігіне 960,0 м3 құрайды
Кенттің перспективалық дамуына сәйкес:
- қолданыстағы су құбыры желілерін қайта жаңарту және жаңаларын салу;
- технологиялық және экологиялық қауіпсіздікті қамтамасыз етуді ескере отырып, суды тазарту схемасын жаңғырту;
- бағдарламаланатын контроллерлерді пайдалана отырып, сумен жабдықтау объектілерін диспетчерлік бақылау және басқару жүйесін салу.
Су бұру. Жобамен кенттің барлық аумағына орталықтандырылған кәріз жүйесін кеңейту көзделеді. Кешенді сорғы станциялары мен жаңа кәріздік тазарту құрылыстарын салу, қолданыстағы кәріз желілерін қайта жаңарту және жаңаларын салу ұсынылады.