АПТАЛЫҚ ШОЛУ
26.09.
Су ресурстары және ирригация министрі Нұржан Нұржігітов Қарағанды облысының тұрғындарымен кездесіп, өңірдегі су шаруашылығы құрылыстарының жұмысымен танысты.
Министр Самарқанд су қоймасының техникалық және тұрғын үй-жайларын аралап, жұмысшылармен сөйлесті.
Нұржан Нұржігітов Ынтымақ су қоймасында су тасқынының дабыл жүйесін тексеріп, жергілікті ГЭС жұмысымен танысты.
Нұржан Нұржігітов Қарағанды облысының тұрғындарымен кездесті.
Одан кейін министр Шерубай-Нұра су қоймасына барды.
Нұржан Нұржігітов Жартас су қоймасына барды. Айта кету керек, көктемгі тасқын кезінде Жартас су қоймасына 468 млн текше метр еріген қар суы келді.
26.09.
Су ресурстары және ирригация министрлігі келесі жылы Қ.Сәтбаев атындағы каналды ауқымды реконструкциялауды бастайды. Жаңғырту жұмыстары бес жылда аяқталады деп жоспарланып отыр.
МАҢЫЗДЫ: Қ.Сәтбаев атындағы канал Қарағанды және Павлодар облыстарының өнеркәсіп орындарын сумен қамтамасыз ететін маңызды нысан. Сондай-ақ, канал Жезқазған, Қарағанды және Павлодар қалалары үшін ауыз судың негізгі көзі болып табылады.
27.09.
Ұлытау облысындағы Кеңгір су қоймасы мемлекет меншігіне қайтарылады. Бүгінгі таңда су қоймасын мемлекетке қайтару процесі аяқталуға жақын.
МАҢЫЗДЫ: Кеңгір – Ұлытау облысындағы ең ірі су қоймасы. Оның жалпы көлемі 319 миллион текше метр. Нысан осы жылдың соңына дейін Су ресурстары және ирригация министрлігінің «Қазсушар» республикалық кәсіпорнының балансына көшуі тиіс. 23.09.
Қазақстан мен Өзбекстан Сырдария өзенінде суды автоматты есепке алу жүйесі орнатылатын 10 бекетті анықтады. Нұржан Нұржігітов Өзбекстанның Су шаруашылығы министрі Шавкат Хамраевпен екіжақты және өңірлік ынтымақтастықтың өзекті мәселелерін талқылады.
25.09.
Су ресурстары және ирригация министрі Нұржан Нұржігітов «AMANAT» партиясының республикалық қоғамдық қабылдау бөлмесінде азаматтарды қабылдады. Азаматтарды қабылдауда Астана су қоймасын тазалау, су торабын салу және су үнемдеу технологияларын енгізуді субсидиялау секілді мәселелер көтерілді.
24.09.
Қазақстан мен Қытай су тасқынымен бірлесіп күресу жөнінде келісімге келді. Бұдан бөлек, Су ресурстары және ирригация министрлігі Ресей Федерациясымен су тасқыны кезеңінде тараптардың іс-қимылын үйлестіру үшін барлық трансшекаралық су ағындары бойынша бірыңғай жұмыс тобын құру туралы уағдаластыққа қол жеткізді.
25.09.
Елімізде суару маусымы аяқталуға жақын. «Қазсушар» филиалдары суару маусымында қазақстандық шаруаларға 11 млрд текше метрге жуық су берді.