Солардың бірі – су саласының маманы Сәбит Орынбаев. 27 жыл бойы Алматы облысындағы Бартоғай су қоймасында жұмыс істейді. Биыл су шаруашылығы қызметкерлері күні қарсаныңда «Елеулі еңбегі үшін» медалімен марапатталды. «Мемлекет басшысы Қасым-Жомарт Тоқаев қарапайым еңбек адамының мәртебесін көтеріп, абыройын асқақтатуға баса мән берілу керектігін жиі айтып келеді. Президент елімізде 2025 жыл - жұмысшы мамандықтары жылы деп жариялады. Қазақстанда су шаруашылығы саласында он мыңнан астам адам қызмет етеді. Биыл «Қазсушар» қызметкерлерінің еңбекақысы орта есеппен 25%-ға өсті. Біз келесі жылы да бұл жұмысты жалғастырамыз. Еліміздің су қауіпсіздігін қамтамасыз ететін мамандардың еңбегі лайықты түрде бағалануы тиіс», - деді Су ресурстары және ирригация министрі Нұржан Нұржігітов.
