АПТАЛЫҚ ШОЛУ

07.06.
Су ресурстары және ирригация министрлігі судың «қара нарығын» жою мақсатында су саласындағы құқық бұзушылықтар үшін жауапкершілікті күшейтеді.
МӘСЕЛЕ:Бүгінгі таңда бассейндік инспекциялар Кәсіпкерлік кодекс аясында тексеріс жүргізеді. Алайда, жоспарлау, тіркеу және хабарлау процесі ұзаққа созылуына байланысты құқық бұзушылар жиі жазадан құтылып кетеді.
ШЕШІМ:Жаңа Су кодексінде уәкілетті ведомство мен бассейндік инспекцияларға қадағалау функциялары беріледі. Бұдан бөлек, қолданыстағы Кәсіпкерлік кодекске толықтырулар енгізу ұсынылып отыр.
ЦИТАТА:«Бұл біздің негізгі ұстаным. Судың «қара нарығын» жою және басқа да құқық бұзушылықтардың алдын алу үшін біз мемлекеттік бақылауды күшейтеміз. Ешкім жауапкершіліктен құтылмайды», - деді Су ресурстары және ирригация министрі Нұржан Нұржігітов.

 06.06.
1 мамырдан еңбекақысы республикалық бюджеттен төленетін «Қазсушар» қызметкерлерінің айлығы орта есеппен 25%-ға өсті.
ОСЫҒАН ДЕЙІН:2024 жылдың 1 қаңтарынан айлықтары тариф есебінен төленетін «Қазсушар» мамандарының еңбекақылары орта есеппен 23%-ға көтерілген еді. Жыл басында кәсіпорын қызметкерлерінің жалпы санының 47%-ының айлықтары өсті.
МАҢЫЗДЫ:Су ресурстары және ирригация министрлігі кадр жетіспеушілігі мәселесін шешу мақсатында су саласы мамандықтарының тартымдылығын арттыру үшін сала қызметкерлерінің айлығын көтеру бағытында жұмысты жалғастырады.

 04.06.
Су ресурстары және ирригация министрлігі биыл су құбырларын салу және реконструкциялау бойынша 9 облыста 28 жобаны іске асыра бастады.
МАҢЫЗДЫ:Бұл жұмыстардың нәтижесінде, 1,1 млн тұрғыны бар 426 елді мекенде ауыз сумен қамтамасыз ету сапасы жақсарады.
 МАСШТАБ:Топтық су құбырларының жалпы ұзындығы 2000 шақырымнан асады.

 03.06.
Қазақстанның барлық өңірінде су тасқыны аяқталды. Су қоймаларына жиналған тасқын суы ауылшаруашылығы мен өнеркәсіпте пайдаланылады.
МАҢЫЗДЫ: Еліміздің су қоймаларына 75 миллиард текше метр су жиналды. Бұл өткен жылмен салыстырғанда 15 миллиардқа артық.
САЛЫСТЫРУ ҮШІН: Былтыр еліміздің ауылшаруашылығы саласына 14 млрд текше метр су жұмсалды. Ал, 2023 жылдың қорытындысы бойынша жалпы еліміздің қажеттілігі үшін 24,4 млрд текше метр су пайдаланылды.

 03.06.
Сырдария ауданының шаруаларына 200 млн текше метрден астам су берілді.
МАҢЫЗДЫ: Қызылорда облысы бойынша «Қазсушар» филиалы жергілікті дихандармен суару маусымында су беру жөнінде 110 келісімшарт жасады.

 04.06.
Шу ауданындағы ТЛХ-1, ТЛХ-2 және ТЛХ-1а арналары механикалық әдіспен тазаланды. Меркі ауданында 11 гидробекет толық жөнделді, 22 гидробекеттің құрылысы жалғасуда.
 ҚОСЫМША: Суару маусымын тұрақты өтуін қамтамасыз ету мақсатында бұл жұмыстарды Жамбыл облысы бойынша «Қазсушар» филиалы жүргізіп жатыр.

03.06.
Түркістан облысы бойынша «Қазсушар» филиалының директоры Қазыбек Бедебаев Өңірлік коммуникациялар қызметінің алаңында баяндама жасап, журналистердің сұрақтарына жауап берді.

 04.06.
Жетісу облысы бойынша «Қазсушар» филиалының директоры Саят Құдайбергенов Өңірлік коммуникациялар қызметінің алаңында баяндама жасап, журналистердің сұрақтарына жауап берді.
МАҢЫЗДЫ: Су ресурстары және ирригация министрі Нұржан Нұржігітовтің тапсырмасы бойынша өңірлік «Қазсушар» филиалдарының басшылары суару маусымының барысы бойынша брифингтер өткізуде.изменено 12:48