Су ресурстары және ирригация министрлігі су тасқынына дайындық аясында 74 гидротехникалық құрылысты жөндеді. Сондай-ақ, еліміздің 6 өңірінде 57 қорғау бөгеттерін салу жұмыстары жүргізілді. Бүгінгі таңда жалпы ұзындығы 300 км астам бөгеттер салынып, елді мекендерде су басу қаупін азайтып отыр.
Бұл туралы толығырақ «24 KZ» телеарнасының «Іс жүзінде» бағдарламасында ҚР Су ресурстары және ирригация министрлігі Су ресурстарын реттеу, қорғау және пайдалану комитетінің басқарма басшысы Сәкен Әтел айтып берді.