Су ресурстары және ирригация министрлігі биылғы су тасқыны кезеңіне дайындық жұмыстарын пысықтады. Бүгінгі таңда еліміздегі су қоймаларында бос орындар дайындалып жатыр.
Мәселен, Астана су қоймасындағы су көлемі 83%-ға дейін төмендетілді. 20-шы желтоқсаннан бері 5,06 млн текше метр су жіберілді. Министрлік 2025 жылғы 1 сәуірге дейін қоймадағы су көлемін 300 млн текше метрге немесе 73%-ға дейін азайтуды жоспарлап отыр.
Бұл жайлы толығырақ «24 KZ»телеарнасының «Prime time» бағдарламасында ҚР Су ресурстары және ирригация министрлігі Су қорын пайдалану және қорғау саласындағы мемлекеттік бақылау басқармасының басшысы Сәкен Әтел айтып берді.