Жоғарғы Сот Кеңесі жанындағы Сот жюриінің төрағасы азаматтарды жеке қабылдау өткізді

Ағымдағы жылдың 15 қарашасында Жоғарғы Сот Кеңесі жанындағы Сот жюриінің төрағасы Қайыпжан Нұржан Үсіпханұлы азаматтарды жеке қабылдау өткізді.

Жеке қабылдау барысында азаматтар қабылданған сот актілерімен, сондай-ақ жекелеген судьялар мен жергілікті сот төрағаларының әрекеттерімен келіспейтіндіктерін білдірді.

Нұржан Қайыпжан заңды күшіне енген сот актілеріне шағымдану және судьяларға қатысты тәртіптік іс жүргізуге бастамашылық жасау тәртібіне, сондай-ақ ағымдағы жылдың 1 қазанынан бастап судья сот актісін шығарар кезде өрескел заң бұзушылыққа жол берген әрбір күші жойылған актіні Сот жюримен тексеру механизмін қолданысқа енгізу туралы егжей-тегжейлі түсіндірме берді.