Жоғары Сот Кеңесінде судьяларды іріктеу процесін жетілдіру мәселелері бойынша семинар-тренинг өтті

Ағымдағы жылдың 7-8 ақпанында Жоғары Сот Кеңесінде Астана хабының vемлекеттік қызмет саласындағы Басқарушы комитетімен қол қойылған өзара түсіністік туралы меморандум аясында екі күндік семинар-тренинг өтті.

Спикер ретінде Қазақстан Республикасы қауымдастығының HR үйлестіру кеңесінің президенті Гүлмира Раисова сөз сөйледі.

Тренингтің негізгі міндеті - оның қызметіне заманауи HR технологияларын енгізу арқылы судья кадрларын іріктеу жүйесін жетілдіру, сондай-ақ судьялыққа кандидаттармен сұхбат жүргізу бөлігінде Кеңес мүшелерінің кәсібилігін арттыру.

Семинар-тренингтің бірінші бөлімі сұхбат жүргізудің құзыреттілігіне, құрылымы мен практикасына, сұрақ қою техникасына арналды. Семинардың екінші бөлімі интерактивті сабақ түрінде ұйымдастырылды, онда семинарға қатысушылар сұхбат жүргізудің практикалық тәжірибесін алды, жауаптарды бағалау техникасымен танысты.

Кеңес тұрақты негізде жүргізетін құзыреттер бойынша сұхбат жүргізудің практикалық дағдыларын арттыру бойынша ЖСК мүшелерімен оқыту тренингтері судьялар лауазымына кандидаттарды объективті бағалауға мүмкіндік береді және неғұрлым дайындалған кадрларды іріктеуге ықпал етеді.

Семинар-тренинг соңында сындарлы пікір алмасу өтті, семинар тақырыбы бойынша қызықтырған сұрақтарға жауаптар алынды және судьяларды іріктеу жүйесін жақсарту бойынша ұсыныстар айтылды.

Жоғары Сот Кеңесінің Аппараты