Жоғары Сот Кеңесі жанындағы Сот жюриінің кезекті отырысы өтті

Отырыста 10 судьяға қатысты 10 тәртіптік іс қаралды.

Істерді қарау қорытындысы бойынша 7 судья тәртіптік жауапкершілікке тартылды, оның ішінде:
– 4 судья заңдылықты өрескел бұзғаны үшін (2 судьяға – сөгіс, 2 судьяға – ескерту берілді);
– 3 судья судьялық әдеп нормаларын бұзғаны үшін (1 судьяға – сөгіс, 2 судьяға – ескерту берілді).

Сонымен қатар, судьяның әрекеттерінде тәртіптік теріс қылық құрамы болмауына байланысты 3 судьяға қатысты тәртіптік іс жүргізу тоқтатылды.

Сот жюриінің шешімдері заңды күшіне енген жоқ, тәртіптік жаза қолданылған судьялар Жоғары Сот Кеңесіне шағымдануға құқылы.

Жоғары Сот Кеңесі мен Сот жюриінің қызметі сот жүйесіне деген сенімді нығайтуға, судьялардың тәуелсіздігін қамтамасыз етуге және тәртіптік рәсімдер шеңберінде олардың құқықтарын қорғауға бағытталған.

Жоғары Сот Кеңесі тәртіптік практиканы жетілдіру және судьялардың кәсібилігі мен жауапкершілігінің жоғары деңгейін қолдауға бағытталған жұмысты жалғастыруда.

#JoğarySotKeñesı 

ҚР ЖСК Баспасөз қызметі