Судья лауазымына біліктілік емтиханын өткізуді одан әрі жаңғырту

Судья лауазымына біліктілік емтиханын өткізуді одан әрі жаңғырту бойынша

АНЫҚТАМА

Судья лауазымына біліктілік емтиханын одан әрі жетілдіру бойынша ұсыныстар

1. Кандидаттар біліктілік емтиханын тапсыруға жіберілгенге дейін олардың салықтар мен алименттер бойынша берешектерін тексеру туралы талапты енгізу;
2. Кандидаттардың эссені заңнаманы білуін тексеруге арналған компьютерлік тестілеуді тапсырғаннан кейін жазуын қарастыру;

3. Біліктілік емтиханының үшінші кезеңінің шеңберінде, атап айтқанда емтихан билеті бойынша бірінші кейс тапсырмасын орындау кезінде кандидаттардың сот ісін жүргізудің бір саласы (азаматтық, қылмыстық және әкімшілік) бойынша сот актісінің (шешім, үкім, қаулы) жобасын жасауы туралы талапты қарастыру;

4. Кандидаттардың кейс тапсырмаларын орындауы бойынша жазбаша жауаптарын бағалау үшін Жоғарғы Сот судьяларынан тұратын тәуелсіз сараптама комиссиясын құру. Сонымен бірге осы комиссияға кейс тапсырмаларын сапалы жасауды және өзектендіріп отыруды жүктеу;

5. Біліктілік емтиханының қорытынды кезеңінде Жоғары Сот Кеңесі жанындағы Біліктілік комиссиясы мүшелерінің кандидаттармен әңгімелесу (олардан сұхбат алу) өткізуі.