Жоғары Сот Кеңесі жанындағы Сот жюриінің қызметі туралы Анықтамалық ақпарат

Ағымдағы жылдың бірінші тоқсанында Сот жюриінің 3 отырысы өткізілді, 28 судьяға қатысты 28 тәртіптік іс қаралды.

Олардың нәтижесі бойынша аудандық және оған теңестірілген соттырадың 16 судьясы (72,7 %), аудандық және оған теңестірілген соттардың 6 төрағасы (27.3 %) тәртіптік жауапкершілікке тартылды.

Бұл ретте жазаның келесі түрлері қолданылды:

- ескерту – 9 (40,9 %);

- сөгіс – 9 (40,9 %);

- судья қызметінен босату – 4 (18,2 %).

Судьялардың тәртіптік жауапкершіліктерінің негіздері:

1) сот істерін қарау кезінде заңдылықты өрескел бұзу – 20 судья (90,9 %);

2) судья әдебі нормаларын бұзу – 2 судья (9,1 %).

Сонымен қатар, 6 тәртіптік істі қарау нәтижелері бойынша (қаралған істердің жалпы санының 21,4 %-ы) мынадай негіздер бойынша тоқтатылды:

1) судьяның іс-әрекеттерінде тәртіптік теріс қылық құрамының болмауы – 3;

2) судьяға қатысты тәртіптік істі қарау мерзімінің өтуі – 2;

3) жасалған тәртіптік теріс қылық маңыздылығының аздығы (судьяның іс-әрекетіне (әрекетсіздігіне) ауызша мін тағу) – 1.

Ағымдағы жылдың екінші тоқсанында Сот жюриінің 3 отырысы өткізілді, онда 19 судьяға қатысты 19 тәртіптік іс және тәртіптік жазаны мерзімінен бұрын алу туралы 2 материал қаралды.

Қорытынды бойынша 16 судья тәртіптік жауапкершілікке тартылды, оның ішінде аудандық және оған теңестірілген соттардың 15 судьясы (93,75%) және  аудандық соттың 1 төрағасы (6,25%).

Бұл ретте жазаның мынадай түрлері қолданылды:

• ескерту–7 (43,75%);
• сөгіс– 5 (31,25%);
• судья қызметінен босату – 4 (25%).

Судьяларды тәртіптік жауапкершілікке тартудың негіздері:

1)сот істерін қарау кезінде заңдылықты өрескел бұзғаны – 13 судья (81,25)%);

2)судья этикасын бұзғаны – 3 судья (18,75%).

Сонымен қатар, 3 судьяға қатысты тәртіптік істер өндірістен қысқартылды (қаралған істердің жалпы санының 15,8% - ы), оның ішінде:

1) судьяның әрекеттерінде тәртіптік теріс қылық құрамының болмауына байланысты – 1;

2) судьяға қатысты тәртіптік істі қарау мерзімінің өтуіне байланысты – 1;

3) жасалған тәртіптік теріс қылықтың теріс құқықтық салдары болмауына байланысты (судьяның іс-әрекеттеріне (әрекетсіздігіне) ауызша мін тағу) – 1.

Тәртіптік жазаны мерзімінен бұрын алып тастау туралы 2 судьяға қатысты мәселе қарастырылды (1 жаза мерзімінен бұрын алынды, жазаны мерзімінен бұрын алып тастау туралы 1 өтінішхат қанағаттандырылусыз қалдырылды).