Қазақстан Республикасының Жоғары Сот Кеңесі 2023 жылғы 8 ақпандағы конкурс бойынша аудандық және оларға теңестірілген соттар судьяларының бос лауазымдарына орналасуға қосымша конкурс жариялайды

Жоғары Сот Кеңесі Регламентінің 53-тармағына сәйкес облыстық соттар алқалары төрағалары мен судьялары, аудандық соттар төрағалары лауазымдарына конкурс қорытындысы шығарылғаннан кейін аудандық соттар судьяларының жаңа бос орындарының пайда болуы туралы қосымша хабарландыру орналастырылады.

Бұрын осы конкурсқа жіберілген аудандық соттар судьяларының лауазымдарына үміткерлер кемінде 5 жұмыс күні ішінде Жоғары Сот Кеңесіне конкурс жарияланған кезде болмаған жаңа лауазымдармен бастапқыда берген өтініштерін кеңейтуге ниет білдіргені туралы қосымша өтініш жібере алады.

Осыған байланысты, бұрын 2023 жылғы 08.02. конкурсқа жіберілген тұлғалар 2023 жылдың 9 маусымды қоса алғанда Жоғары Сот Кеңесіне жаңа бос судьялық лауазымдарға өтініш беруге құқылы.

Бұл конкурс бұрын 2023 жылғы 08.02. конкурсқа жіберілген адамдарға ғана арналған және басқа адамдар оған қатыса алмайды.

Қосымша конкурсқа қатысу үшін 2023 жылғы 9 маусымды қоса алғанда Жоғары Сот Кеңесі Төрағасының атына қолы мен күні қойылған қосымша өтініш ұсыну жеткілікті.

Қосымша өтініш Жоғары Сот Кеңесінің konkurs@vss.gov.kz электрондық мекенжайына ұсынылуы тиіс, өтініштің түпнұсқасы келесі мекенжайға жіберілу тиіс: Астана қаласы, Мәңгілік Ел даңғылы 8, Министрліктер үйі, № 1В кіреберіс, Қазақстан Республикасының Жоғары Сот Кеңесі.

Анықтама үшін телефондар: 8(7172) 75-03-09, 74-95-42.

Барлығы: 102 бос лауазым.

Аудандық соттар судьяларының жаңадан ашылған бос лауазымдарының тізбесі (өту).

Қазақстан Республикасының
Жоғары Сот Кеңесі