1. Осы Қазақстан Республикасы Жоғары Сот Кеңесінің лауазымды адамдарының жеке тұлғаларды және заңды тұлғалар өкілдерін жеке қабылдау регламенті (бұдан әрі – Регламент) Қазақстан Республикасы Жоғары Сот Кеңесінің (бұдан әрі – Кеңес) лауазымды адамдарының жеке тұлғаларды және заңды тұлғалар өкілдерін жеке қабылдау тәртібін регламенттейді.
2. Жеке тұлғалар мен заңды тұлғалар өкілдерін: мына лауазымды тұлғалар жеке қабылдайды: Астана қаласы, Мәңгілік Ел даңғылы, 8 үй, 1В кіреберіс, «Министрліктер Үйі» Әкімшілік ғимараты мекенжайы бойынша жүзеге асырылады:
1) Кеңес Төрағасы және тұрақты мүшелері;
2) Кеңес жанындағы Сот жюриінің төрағасы (бұдан әрі – Сот жюриі);
3) Кеңес хатшысы – аппарат басшысы.
3. Жеке тұлғалар мен заңды тұлғалардың өкілдерін қабылдау Кеңестің құзыретіне кіретін мәселелер бойынша осы Регламентте белгіленген тәртіппен жүзеге асырылады.