1. Жалпы ережелер.

1) Қызметті көрсетуші туралы мәліметтер.

Қазақстан Республикасы Президентінің 2023 жылғы 28 желтоқсандағы №424 Жарлығына сәйкес Катонқарағай ауданының құрамынан шығу жолымен Үлкен Нарын жаңа ауданы құрылды. Жаңа құрылған Үлкен Нарын ауданында мемлекеттік қызметтерді 6 ауылдық округ әкімдігі және 7 дербес бөлім көрсетеді.

  Мемлекеттік қызметтер көрсету электрондық қызметтер порталы арқылы қызметтер алу есебінен сыбайлас жемқорлықты төмендету факторларының бірі болып табылады.

2) Мемлекеттік қызметтер туралы ақпарат.

ҚР цифрлық даму, инновациялар және аэроғарыш өнеркәсібі министрінің 2025 жылғы 17 ақпандағы № 62/НҚ бұйрығымен бекітілген тізілімге сәйкес ауданның жергілікті атқарушы органдары мен ведомстволық бағынысты ұйымдары мемлекеттік қызметтердің 60 түрін және 109 кіші түрін көрсетеді.

2024 жылдың қорытындысы бойынша көрсетілген мемлекеттік қызметтер саны 378 құрады, оның ішінде баламасыз қағаз түрінде – 0. 

378 баламалы мемлекеттік қызмет көрсетілді:

- қағаз түрінде-77 (20 %);

- «азаматтарға арналған үкімет» МК арқылы - 21 (5,5%);

- электрондық форматта - 280 (74%).

2. Көрсетілетін қызметті алушылармен жұмыс.

Ауданда ауылдық кітапханалар мен ауылдық әкімдіктер базасында барлығы 6 өзіне-өзі қызмет көрсету бұрышы бар, олар арқылы елді мекендердің тұрғындары аудан орталығына бармай-ақ Қызмет ала алады.

 Бұрыштарда мемлекеттік қызметтердің 170-тен астам түрі, "E-gov электрондық үкіметі"порталында қолжетімді төлемдер мен сервистердің 46 түрі көрсетіледі. 2024 жылы барлығы 4214 сервис пен қызмет көрсетілді.

Көрсетілетін қызметті алушылардың мемлекеттік қызметтерді алу тәртібі туралы хабардар болу деңгейін арттыру бойынша жұмыс жүргізіледі: семинар-кеңестер, «дөңгелек үстелдер», брифингтер, конференциялар, жәрмеңкелер және көрсетілетін қызметті алушылардың хабардар болуын арттыру жөніндегі өзге де іс-шаралар. 2024 жылы жалпы саны 700 адам қамтылған 25 іс-шара өткізілді.

Аудан әкімдігінің ресми интернет-ресурсында тиісті нормативтік құқықтық актілер, мемлекеттік қызметтер паспорттары, оларды көрсету және шағымдану тәртібі туралы ақпарат, мемлекеттік қызметтер көрсету бойынша жергілікті атқарушы органдардың жұмысы туралы есептер орналастырылған.

3. Мемлекетті қызмет көрсету сапасын бақылау.

Мемлекеттік органдардың құрылуына байланысты 2024 жылы бақылау іс-шаралары өткізілмеді.