Ұлан ауданының төтенше жағдайлар бөлімі мен жергілікті атқарушы органдар бірлесе отырып, күн сайын аудан аумағындағы өзендер мен көлдердің су деңгейлеріне бақылау жасап отырады

Ұлан ауданының төтенше жағдайлар бөлімі мен жергілікті атқарушы органдар бірлесе отырып, күн сайын аудан аумағындағы өзендер мен көлдердің су деңгейлеріне бақылау жасап отырады. Сонымен қатар, кенттік және ауылдық округтердің су тасқыны кезеңіне дайындығы, әсіресе мешкотараларды толтыру үшін инерттік материалдардың болуы, арық пен каналдардың тазартылуына бақылау жасалынады.

Қардың бірден көп мөлшерде еруі, ең алдымен төмен оналасқан тұрғын үйлерге қауіп төндіреді. Оқыс оқиғалардың алдын алуға және дүние-мүліктеріңізге қауіп төнбеуі үшін аудан тұрғындарына келесідей іс-шараларды орындау қажет:

1. Су айдындарындағы су деңгейіне және метеоболжамдарға мұқият мән беру керек;
2. Тұрып жатқан аудандағы су алуы мүмкін аймақтардың шекараларын анықтау;
3. Тұрғын үйдің ауласын тұрмыстық қалдықтардан және қардан тазарту;
4. Су жүретін трубаларды, су өтетін арналарды қардан, тұрмыстық қалдықтардан тазарту;
5. Үй жануарларын су басу оқиғасы бола қалса, қай жерге көшіретіндікті алдын-ала ойлау;
6. Тұрмыстық заттарды, тамқтарды жер төлелерден басқа биік орындарға, қабаттарға көшіру.

Төтенше жағдайлар орын алғанда 112 немесе 101 нөмерлеріңе хабар беріңіздер.

Ұлан ауданының төтенше жағдайлар бөлімі