Рахымжанов Маутқан Рахымжанұлы 1937 жылғы 2 маусымда Таврия ауданы Тасөткел ауылында туған. 1955 жылы Өскемен қаласының Жамбыл атындағы орта мектебін бітіріп, Ленин атындағы колхозда жұмыс істеді. 1959 жылы Алматы қаласының С. Киров атындағы Қазақ мемлекеттік институтында тарих факультетінде оқыды. 1966 жылы институт бітіргеннен кейін Ұлан ауданының Қанай 8жылдық мектебінде тарих пәнінің мұғалімі болып істеді. 1969-1972 жылдары Ұлан аудандық партия комитетінің үгіт-насихат бөлімінің нұсқаушысы болып еңбек етті. Кейін 1972-1976 жылдары Аудандық мәдениет үйінің меңгерушісі лауазымын атқарды. 1976-1982 жылдары Тайынты ауылындағы «Қазақстанның 40 жылдығы» атындағы орта мектебінің директоры, 1982-1999 жылдары Ұлан ауылындағы «С. Аманжолов атындағы орта мектебінің» директоры, тарих пәнінің мұғалімі болып істеді. 1999 жылы құрметті зейнеткерлікке шықты. Зейнеткерлікте болса да ауылдық қоғамдық өміріне белсене араласып жүрді.
Ұзақ уақыт мектептегі оқу-тәрбие жұмысындағы еңбегі үшін «КСРО оқу – ағарту ісінің озық қызметкері» деген белгісімен, «Еңбек ардагері», «Астана 10 жыл» медальдарымен, «Ұлан Отан соғысындағы Жеңіске 65, 70 жыл» мерекелік медальдарымен марапатталды.
2018 жылы 10 қыркүйектегі VI шақырылған Ұлан аудандық мәслихатының XXXVII cессиясының № 225 шешімімен «Ұлан ауданының құрметті азаматы» атағы берілді.