Сейсембина Назигуль Усеровна

Сейсембина Назигуль Усеровна 1956 жылғы 7 наурызда Ұлан ауданы Никитинка ауылында дүниеге келген. Еңбек жолын Орал облысы Чапаев ауданы Кордоков атындағы мектепте бастауыш сынып мұғалімі болып бастап, кейін Лениногор қаласының мырыш зауытында кара жүргізушісі, Өскемен қаласының қорғасын-мырыш зауытында электролизник, Өскемен қаласының педагогикалық институтында лаэкспедитор-лаборант қызметтерін атқарып, туған аудадына оралып, аудандық газета редакциясында хатшы-машинист болып істеді. 1990 жылдардан аудандық экономика бөлімінде экономист, бас экономист, бөлім басшысы болып істеді. 1998-2011 жылдары Ұлан ауданы әкімінің әлеуметтік міселелер бойынша әкім орынбасары лауазымын атқарды. 2011-2012 жылдары ШҚО білім басқармасына басшылық етіп, 2012 жылы Ұлан аудандық мәслихатының хатшысы болып тағайындалды.

Назигуль Өсер қызы кәсіби шеберлік пен жоғары жауапкершілікпен ұштасқан ұйымдастырушылық қабілетінің иесі. Қайырымдылық қорларымен талай жұмыс атқарып, спорт саласында да көтпеген жетістіктерге қол жеткізді. Ауданның көркемөнерпаздар ұйымдары әртүрлі конкурстардың лауреаттары атанып, жалғайда орналасқан ауылдардағы клубтар жұмыстарын жандандарды.

Коммуникативтік қасиеттерінің арқасында ауданда «Туған жерге тағзым» атты акциясы бойынша жұмыс атқарылды. Назигуль Усеровна ауданнан шыққан зиялы азаматтардың басын қосып, туған аудандарын дамытуға өз үлестерін қосуға шақырды. Осындай жұмыстардың нәтижесінде аудан орталығына 450 орындық мешіт, 400 орындық орталық стадион ашалып, мемориалдық тақталар орнатылды.

«Тәуелсіздікке 20 жыл» мерекелік медалімен,   «Ұлан ауданы. Ерекше еңбегі үшін» төс белгісімен,  Шығыс Қазақстанның тарихи, мәдени және рухани мұраны дамытуға қосқан үлесі үшін «Алғыс» белгісімен наградталды.

2016 жылы 29 маусымдағы VI шақырылған Ұлан аудандық мәслихатының VI cессиясының № 32 шешімімен «Ұлан ауданының құрметті азаматы» атағы берілді.