Жапишев Жұмабек Қаирбердіұлы

Жапишев Жұмабек Қаирбердіұлы шаруа қожалығының басшысы. 2017 жылға дейін – аударыспақтан Шығыс Қазақстан облысының аға жаттықтырушысы. Аударыспақтан біліктілігі жоғары деңгейдегі, жоғары санатты жаттықтырушы-оқытушы. ҚР еңбек сіңірген жаттықтырушысы. ҚР Ұлттық спорт түрлері бойынша жоғары санатты ұлттық төреші. «Аударыспақтан Үздік жаттықтырушы», «Спорт қайраткері» атағына ие болды. Облыстың 22 дүркін чемпионы, Қазақстанның 15 дүркін чемпионы. «Құрмет» орденімен, «Ерен еңбегі үшін» (2013), «Халық қаһарманы Қасым Қайсенов» (2018) және «Ұлан ауданына 90 жыл» (2018) медальдарымен, «Ұлы даланың тұлпары Құлагер» орденімен (2010), «Ұлан ауданына сіңірген ерекше еңбегі үшін» (2007) төс белгілерімен марапатталған. «Дене шынықтыру мен спортты дамытуға сіңірген еңбегі үшін» (2013).

Сонымен қатар, ол бала кезінен спортпен шұғылданды: жеңіл атлетика және шаңғы, гір спорты және еркін күрес. 1979 жылы еркін күрестен спорт шебері, 1981 жылы қысқы үш сайыстан спорт шеберіне үміткер, 1985 жылы қазақша күрестен спорт шебері атағы берілді.

2013 жылы 28 маусымдағы V шақырылған Ұлан аудандық мәслихатының XV cессиясының № 124 шешімімен «Ұлан ауданының құрметті азаматы» атағы берілді.