Об итогах работы отдела земельных отношений Уланского района за 2023 года

Ауданның жер қорының құрылымы

Ұлан ауданының аумағы 962,5 мың га құрайды, оның ішінде:

ауыл шаруашылығы мақсатындағы жерлер-603,1 мың га;

елді-мекендер жерлері-76,6 мың га;

өнеркәсіп, көлік, байланыс, қорғаныс және ауыл шаруашылығына арналмаған өзге де жерлер-7,4 мың га;

ерекше қорғалатын табиғи аумақтардың жерлері, сауықтыру, рекреациялық және тарихи-мәдени мақсаттағы жерлер-0,091 мың га;

орман қорының жерлері-129,6 мың га;

су қорының жерлері-15,7 мың га;

қордағы жерлер-121,1 мың га.

Ауыл шаруашылығы мақсатындағы жерлердің құрамында ауыл шаруашылығы алқаптары 611,3 мың га құрайды, оның ішінде: егістік – 137,7 мың га, тыңайған жерлер-1,9 мың га, шабындықтар-35,1 мың га, жайылымдар-394,8 мың га.

Жер санатында 121,1 мың га бар, олардың тыңайған жерлер -2,1 мың га, шабындықтар-27,0 мың га, жайылымдар-64,6 мың га.

Суармалы жерлердің ауданы 11,1 мың га құрайды, оның ішінде:  егістік - 9,5 мың га, тыңайған жерлер -1,1 мың га, шабындықтар-0,1 мың га, жайылымдар-0,4 мың га.

Ауыл шаруашылығы мақсатындағы суармалы жерлер-9,4 мың га құрайды, оның ішінде: егістік-9,4 мың га.

Қордағы жер санатында 1,4 мың га суармалы жер бар, оның ішінде: тыңайған жерлер -0,9 мың га, шабындықтар-0,1 мың га, жайылымдар-0,4 мың га.

Азаматтардың өтініштерін қарау

2023 жылдың кезеңінде жер қатынастары бөлімі азаматтардың 46 өтінішін қарады. Өтініштерді қарау қорытындысы бойынша 27 жазбаша түсініктеме берілді, 14 өтініш қанағаттандырылды, 2 өтініш тоқтатылды, 3 өтініш басқа мемлекеттік органдарға қайта жіберілді.

Барлық сұрақтар бойынша өтініш берушілерге қолданыстағы заңнаманы түсіндіре отырып, жазбаша жауаптар жіберілді.

Мемлекеттік қызмет көрсету

2023 жылдың өткен кезеңінде көрсетілген мемлекеттік қызметтердің жалпы саны 1669 құрайды, оның ішінде:

1. "Іздестіру жұмыстары үшін жер учаскесін пайдалануға рұқсат беру" - 2;
2. "Жер учаскелерін қалыптастыру бойынша жерге орналастыру жобаларын бекіту" - 393;
3. "Жер учаскелерінің бөлінгіштігі мен бөлінбейтіндігін анықтау" - 1;
4. "Ауыл шаруашылығы алқаптарын бір түрден екінші түрге ауыстыруға рұқсат беру" - 32;
5. "Жердің нысаналы мақсатын өзгертуге шешім беру учаскесі " - 28;
6. Сауда – саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды сатып алу-1213.

Аудандық жер комиссиясының отырыстарын өткізу

2023 жылы аудандық жер комиссиясының 46 отырысы өткізілді, онда азаматтардың жер учаскелеріне құқық беру, нысаналы мақсатын өзгерту және т. б. туралы 694 өтініші қаралды.

Жер комиссиясы қараудың қорытындысы бойынша 617 оң шешім қабылданды, 77 өтініш бойынша бас тартылды. Жер учаскелеріне құқықтар беруден бас тартудың негізгі себептері өтініш берушілердің құжаттар топтамасын толық ұсынбауы, сондай-ақ жер заңнамасының нормаларына сәйкес беру тек сауда-саттық (конкурстар, аукциондар) арқылы жүзеге асырылатын жер учаскелерін сұрату болып табылады.

Бюджетке түсетін түсімдер

Бүгінгі таңда жер пайдаланушылармен жалпы сомасы 39,8 млн. теңгеге 706 жалдау шарты және 27 сатып алу-сату шарты жасалды.

Оның ішінде, ағымдағы жылы жерді сату бойынша 2 аукцион өткізілді, онда жалпы сомасы 11,2 млн.теңгеге 2 учаске сатылды.

Жерді ауыл шаруашылығы айналымына тарту

2023 жылы ауыл шаруашылығы өндірісі мен шаруа қожалығын жүргізу үшін жер учаскелерін жалға беру бойынша 1 конкурс өткізілді. Конкурстардың қорытындысы бойынша жалпы ауданы 4,9 мың га болатын 19 жер учаскесі берілді.

Жерді мемлекеттік меншікке қайтару

Ұлан ауданы бойынша 2023 жылдың басынан бастап жалпы ауданы 20,3 мың га ауыл шаруашылығы мақсатындағы 56 жер учаскесі босалқы жер санатына ауыстырылды. Бұл жер учаскелері жер пайдаланушылардың өз жер құқықтарынан ерікті түрде бас тартуына байланысты жер қорына ауыстырылды.