Шығыс Қазақстан облысының әкімі Нұрымбет Сақтағановтың Алғыс айту күнімен құттықтауы.

Бүгін шуақты көктеммен қатар келген Алғыс айту күнімен барша қазақстандықты шын жүректен құттықтаймын! Осынау жаймашуақ, жақыныңа деген сүйіспеншілік пен махаббатқа толы мерекеде мұқым ел қиын-қыстау жылдардағы адамгершілік пен мейірімділіктің салтанат құрғандығын еске алады. Бұл күнде тағдыры ортақ жандар бір-бірімізге қолдау білдіріп, алғыс айта аламыз. Мерекенің күнтізбеге енгеніне көп болмағанымен ол елдегі бейбітшілік пен келісімнің, халықтың өзара түсіністігі мен бірлігінің символына айналып үлгерді. Елімізде көптеген этнос өкілдері тату-тәтті ғұмыр кешіп жатыр. Олар Қазақстанның әлеуметтік-экономикалық, рухани және саяси дамуына зор үлес қосып, мемлекет игілігі үшін жұмыла еңбек етуде. Халқымызға тән барлық асыл қасиеттер – адалдық, достық, ар сақтау, әділдік, сыпайылық, мейірімділік – әрқашан ұлттық қазынамыз болып қала берсе екен деп тілеймін. Әр шаңыраққа шаттық ұялап, береке-бірлігіміз мәңгілік болсын!