10 Қарашада цифрландыру және архивтер басқармасы өздерінің кәсіби мерекелерін атап өтуде!

10 қарашада Қазақстанда цифрландыру және ақпараттық технологиялар қызметкерлері күні атап өтіледі. Бұл жаңа кәсіби мереке Республика үшін өткен жылы бекітілді.

Соңғы онжылдықтарда әлем жаңа типтегі экономикаға қарай жылжып келеді, онда цифрлық технологиялар оны қалыптастырудың негізгі құралы болып табылады.

Қазақстан экономикасын цифрландыру - көптеген салалар үшін өсудің негізгі факторы. Цифрландыруды дамытудың негізгі бағыттарының бірі Қазақстан Республикасының «ақылды» қалаларын құру жөніндегі 2.0 эталондық стандартының көрсеткіштеріне қол жеткізу болып табылады.

Шығыс Қазақстан облысы «Smart City» сандық бастамаларын енгізу бойынша алдыңғы қатарлы болып табылады. Цифрлық даму министрлігінің есептеу әдістемесіне сәйкес, Өскемен цифрлық жобаларды іске асыру бойынша республиканың облыс орталықтары арасында бірінші орында тұр.

Облыс орталығын цифрландырудың маңызды бөлігі қоғамдық және жол қауіпсіздігінің зияткерлік жүйесі - «Сергек» жобасын енгізу болды. Бірнеше жыл ішінде облыс орталығының жолдары мен аулаларында 3928 камера орнатылды, олар қала аумағын толық жабуды қамтамасыз етеді.

Цифрландырудың тағы бір бағыты - халық үшін мемлекеттік органдардың қызметі туралы ақпараттың қолжетімділігін қамтамасыз ету. Басқармалар мен бөлімдердің сайттарында, сондай-ақ әлеуметтік желілерде материалдарды орналастыру арқылы өңір тұрғындарын үнемі хабардар ету жүргізілуде.

Телекоммуникация саласын дамыту жалғасуда. Бүгінгі таңда облыстағы 363 елді мекеннің 172-сі Интернет желісіне мобильді кең жолақты қолжетімділікпен қамтамасыз етілген. Болашақта тағы 191 ауылды кең жолақты интернетке қолжетімділікпен қамтамасыз ету қажет.

Жалпы, 2023 жылғы қаңтар-қыркүйек аралығында Интернет желісіне мобильді кең жолақты қолжетімділікке 8 344 адам тұратын 20 елді мекен қосылған. Биыл ең шалғай ауылдардың өзінде - Тарбағатай ауданының Асусай және Катонқарағай ауданының Ақсу ауылдарында мобильді интернет пайда болды.

Естеріңізге сала кетейік, ағымдағы жылдың 25 мамырында Шығыс Қазақстан облысының әкімі мен цифрлық даму, инновациялар және аэроғарыш өнеркәсібі Министрі Жол картасын бекітті, оның аясында 2027 жылға дейін өңірдің 191 елді мекені интернетке қолжетімділікпен қамтамасыз етіледі.