Шығыс Қазақстан облысының Бас мемлекеттік санитариялық дәрігерінің 2021 жылғы 15 сәуірдегі №5 қаулысына өзгерістер мен толықтырулар енгізу туралы № 5-3 ҚАУЛЫ

Шығыс Қазақстан облысының Бас мемлекеттік санитариялық дәрігерінің 2021 жылғы 15 сәуірдегі №5 қаулысына өзгерістер мен толықтырулар енгізу туралы № 5-3 ҚАУЛЫ

2021 жылғы 26 сәуір Өскемен қаласы

Мен, Шығыс Қазақстан облысының Бас мемлекеттік санитариялық дәрігері Қ.А. Турдиев,

мына құжаттарды:

Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның                2021 жылғы 24 ақпандағы; 2021 жылғы 02 наурыздағы; 2021 жылғы                               18 наурыздағы; 2021 жылғы 7 сәуірдегі; 2021 жылғы 14 сәуірдегі шешімдерін;

Қазақстан Республикасы Бас мемлекеттік санитариялық дәрігерінің «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі күшейту туралы»                  2020 жылғы 25 желтоқсандағы № 67; «Карантиндік шектеу шаралары және оларды кезең-кезеңмен жеңілдету туралы» 2020 жылғы 25 желтоқсандағы №68; «Қазақстан Республикасының Бас мемлекеттік санитариялық дәрігерінің қаулысына өзгеріс пен толықтыру енгізу туралы» 2021 жылғы 27 ақпандағы №9; «Қазақстан Республикасының Бас мемлекеттік санитариялық дәрігерінің қаулысына өзгеріс пен толықтыру енгізу туралы» 2021 жылғы 05 наурыздағы №10; «Қазақстан Республикасының Бас мемлекеттік санитариялық дәрігерінің қаулыларына өзгерістер мен толықтырулар енгізу туралы» 2021 жылғы 25 наурыздағы №12; «Қазақстан Республикасының Бас мемлекеттік санитариялық дәрігерінің қаулыларына өзгерістер мен толықтырулар енгізу туралы» 2021 жылғы 12 сәуірдегі №13; «Кәсіпкерлік объектілерінде «Ashyq» мобильдік қосымшасын енгізу бойынша пилотты жүргізу туралы» 2021 жылғы 13 сәуірдегі №14 қаулыларын;

«Шектеу іс-шараларын, оның ішінде карантинді жүзеге асыру қағидаларын және пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулардың тізбесін бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-293/2020 бұйрығын;

CОVІD-19 коронавирустық инфекциясы бойынша Шығыс Қазақстан облысындағы, Қазақстан Республикасы өңірлеріндегі және іргелес мемлекеттердегі санитариялық-эпидемиологиялық ахуал туралы жедел мәліметтерді қарап,

Есептік өлшемшарттар негізінде CОVІD-19 науқастарын емдеуге арналған инфекциялық стационарлардағы төсек қорының (ТҚ) қамтылу пайызы – 8,9%, облыс бойынша инфекцияның репродуктивтік мәні (R) – 1,054 құрағанын анықтадым.

«Халық денсаулығы және денсаулық сақтау жүйесі туралы» Қазақстан Республикасы Кодексінің 38-бабының 1-тармағының 4) тармақшасы,                                2-тармағының 3) тармақшасы, 102, 104 – баптары негізінде, ҚАУЛЫ ЕТЕМІН:

  1. «Шығыс Қазақстан облысының халқы арасында COVID-19 коронавирустық инфекциясымен сырқаттанушылықтың алдын алу жөніндегі шараларды күшейту туралы» Шығыс Қазақстан облысының Бас мемлекеттік санитариялық дәрігерінің 2021 жылғы 15 сәуірдегі № 5 қаулысына келесідей өзгерістер мен толықтырулар енгізілсін:

1) 1 - тармақ 1.2 және 1.3 тармақтарымен толықтырылып, келесі редакцияда жазылсын:

«1.2 Шығыс Қазақстан облысы аумағында «Ashyq» жобасын іске асыруға кіріссін:

  • 2021 жылғы 26 сәуірден бастап келесі кәсіпкерлік объектілерде:
  • йога орталықтарын қоса алғанда, фитнес-клубтары;
  • спа-орталықтары;
  • сауналар, бассейндер;
  • PlayStation клубтарын қоса алғанда, компьютерлік клубтар (16 жасқа дейінгі адамдарды қоспағанда);
  • боулинг клубтары.

6) кинотеатрлар;

7) театрлар және филармониялар;

8) банкет залдарын, асхана, фаст-фуд, стрит-фуд үлгісіндегі объектілерді қоспағанда қоғамдық тамақтану объектілері;

  • облысаралық және қалалық жүйелі емес (туристік) тасымалдар;
  • бильярд клубтары;
  • концерт залдары;
  • ерікті қатысушылар (Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 1- қосымшасына сәйкес);

- 2021 жылғы 05 мамырдан бастап келесі кәсіпкерлік объектілерде:

1) караоке;

2) CОVІD-19 коронавирустық инфекциясымен сырқаттанушылық деңгейі төмен аймақта («жасыл» аймақтағы») банкет залдары.

1.3 Қазақстан Республикасының Бас мемлекеттік санитариялық дәрігерімен бекітілген «Ashyq» жобасына қатысатын кәсіпкерлік объектілерінде әлеуметтік-экономикалық объектілердің жұмысын шектеудің мынадай өлшемшарттарын қолдану:

- осы қаулының 1- қосымшасына сәйкес, коронавирустық инфекциясымен сырқаттанушылық деңгейі жоғары өңірлерде («қызыл» аймақ) коронавирустық инфекциясымен сырқаттанушылықтың орташа деңгейі үшін әлеуметтік-экономикалық объектілердің жұмысын шектеу өлшемшарттары қолданылады («сары» аймақ);

- осы қаулының 1- қосымшасына сәйкес, коронавирустық инфекциясымен сырқаттанушылық деңгейі орташа өңірлерде («сары» аймақ) коронавирустық инфекциясымен сырқаттанушылық деңгейі төмен әлеуметтік-экономикалық объектілердің жұмысын шектеу өлшемшарттары («жасыл» аймақ) көрсетіледі;

2) 9 - тармақ 9.1 тармақпен толықтырылып, келесі редакцияда жазылсын:

«9.1 «Ashyq» жобасын іске асыру шеңберінде:

9.1.1 Қалалар мен аудандардың әкімдері, «Атамекен» ҚР ҰКП Шығыс Қазақстан облысының кәсіпкерлер палатасы (келісу бойынша), қалалар мен аудандардың санитариялық-эпидемилогиялық бақылау басқармалары құзыреттілікке сәйкес шаралар қабылдасын және:

1)Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 1 - қосымшасына сәйкес, «Ashyq» жобасына жаңа қатысушыларды қосу алгоритмін;

2) Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 2 - қосымшасына сәйкес, «Ashyq» жобасын енгізу және «сары/қызыл» мәртебесі бар келушілерді анықтау кезінде шаралар қабылдау алгоритмін;

3) Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 3 - қосымшасына сәйкес, қатысушыларды «Ashyq» жобасынан шығару алгоритмін іске асыруды қамтамасыз етсін;

            9.1.2  Қалалар мен аудандардың әкімдері, «Атамекен» ҚР ҰКП Шығыс Қазақстан облысының кәсіпкерлер палатасы (келісу бойынша), құзыретіне сәйкес шаралар қабылдасын және:

1) осы қаулының 1.2-тармағына сәйкес кәсіпкерлік объектілерінде «Ashyq» жобасын енгізуді;

2) осы қаулының 1.2-тармағына сәйкес «Ashyq» жобасын іске асыруға қатысатын кәсіпкерлік объектілерінің тізбесін айқындауды;

3) осы қаулының 1-тармағына сәйкес, «Ashyq» мобильді қосымшасын іске асыруға қатысатын кәсіпкерлік объектілері көрсетілген ақпаратты апта сайын жаңартуды және аумақтық санитариялық-эпидемиологиялық бақылау басқармаларына ұсынуды;

4) халықты, жеке және заңды тұлғаларды «Ashyq» жобасына қатысатын кәсіпкерлік объектілеріне кіру үшін App Store және Play Market-тен жүктеуге қолжетімді «Ashyq» мобильді қосымшасын пайдалану қажеттілігі туралы ақпараттандыруды;

 5) әкімдіктердің сайтында ерікті қатысушыларды қоса алғанда, «Ashyq» жобасына қатысушылар туралы ақпаратты орналастыруды;

  6) зертханалардың COVID-19-ға ПТР-тестілеу нәтижесі бойынша зертханалық ақпараттық жүйелерге мәліметтерді уақтылы енгізуін және оларды Ұлттық сараптама орталығының бірыңғай ақпараттық порталына (ҰСО БАП) беруін;

            7) Cаll-орталықтарды ұйымдастыру арқылы халықты және кәсіпкерлерді оқыту бойынша техникалық қолдауды;

 8) халықтың санитариялық-эпидемиологиялық саламаттылығы саласындағы нормативтік құқықтық актілерде және осы қаулыда белгіленген талаптарды сақтамағаны үшін қолданыстағы заңнамада көзделген жауапкершілік туралы жобаға қатысушылардың назарына жеткізуді қамтамасыз етсін.

9.1.3 Қалалар мен аудандардың санитариялық-эпидемилогиялық бақылау басқармалары:

1) «Карантиндік шектеу шаралары және оларды кезең-кезеңмен жеңілдету туралы» Қазақстан Республикасы Бас мемлекеттік санитариялық дәрігерінің 2020 жылғы 25 желтоқсандағы № 68 қаулысының 4-қосымшамен бекітілген әлеуметтік-экономикалық объектілердің қызметін шектеу өлшемшарттарының форматын және Шығыс Қазақстан облысының Бас мемлекеттік санитариялық дәрігерінің қолданыстағы қаулыларын сақтай отырып, қалыптасқан эпидемиологиялық ахуалға байланысты карантиндік шараларды қатаңдату туралы шешім қабылданған кезде;

              2) «Ashyq» жобасына ерікті қатысушылардың өтінімдерін «Атамекен» ҚР ҰКП ШҚО Кәсіпкерлер палатасының қалалық және аудандық филиалдарында қарау сатысында Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 1-қосымшасына сәйкес рұқсат ету құжаттары жоқ тыйым салынған қызмет түрлеріне және объектілерге қатысуға жол бермеу мақсатында келісуді (объектінің эпидемиялық маңыздылығы жоғары сәйкестігі туралы санитариялық-эпидемиологиялық қорытынды немесе эпидемиялық маңыздылығы болмашы объектілер қызметінің басталғаны туралы хабарлама);

              3) «Ashyq» жобасын ұйымдастыруға және енгізуге қойылатын талаптарды бұзу фактілері бойынша жобаға қатысушыларға қатысты және Қазақстан Республикасының қолданыстағы заңнамасына сәйкес шектеу және карантин шараларын бұзуға жол берген адамдарға қатысты әкімшілік ықпал ету шараларын қолдануды қамтамасыз етсін»;

9.1.4 «Атамекен» ҚР ҰКП Шығыс Қазақстан облысының кәсіпкерлер палатасы (келісу бойынша) және қалалар мен аудандардағы филиалдары:

  • Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 1-қосымшасына сәйкес «Ashyq» жобасына қатысуға өтінімдерді қарауды және қатысушылардың тізімін қалалар мен аудандардың әкімдіктеріне жіберуді;
  • «Ashyq» жобасына қатысушылардың арасында бұзушылықтардың алдын алуға бағытталған іс-шараларды ұйымдастыруды және жүргізуді қамтамасыз етсін;

9.1.5 «Ashyq» мобильді қосымшасын енгізу бойынша жобаға қатысатын кәсіпкерлік субъектілері:

1) Қазақстан Республикасы Бас мемлекеттік санитариялық дәрігерінің 2021 жылғы 13 сәуірдегі №14 қаулысының 2-қосымшасына сәйкес «Ashyq» жобасын енгізуге және оған қатысуға қойылатын талаптардың сақталуын қамтамасыз етсін;

              9.1.6 «Ashyq» мобильді қосымшасын енгізу бойынша жобаға қатысатын объектілерге жеке тұлғалардың баруына тыйым салынсын»:

              - COVID-19-ға ПТР-тестілеудің оң нәтижесі бар симптомды және симптомсыз вирусиеленушілік (U 07.1 коды);

              - расталған диагнозы бар және COVID-19 анықталмаған (пневмония) (U 07.2 коды);

              - үйде оқшаулау (үй карантині) жағдайында COVID-19 науқасымен байланыста болған (жақын байланыс) адамдар»;

  1. Қаулы меншік нысанына қарамастан барлық жеке және заңды тұлғалардың орындауы үшін міндетті.
  2. Осы қаулы барлық мүдделі ведомстволардың назарына жеткізілсін, халық ресми веб-ресурстар, БАҚ, әлеуметтік желілер және өзге де ақпараттық ресурстар арқылы хабардар етілсін.
  3. Осы қаулының орындалуын бақылауды өзіме қалдырамын.
  4. Осы қаулы 2021 жылғы 26 сәуірден бастап күшіне енеді және оның ресми күші жойылғанға дейін қолданылады.

Шығыс Қазақстан облысының  Бас мемлекеттік  санитариялық дәрігері Қ. Турдиев

Шығыс Қазақстан облысының Бас мемлекеттік санитариялық дәрігерінің 2021 жылғы 15 сәуірдегі №5 қаулысына өзгерістер мен толықтырулар енгізу туралы № 5-3 ҚАУЛЫ