Ауыл шаруашылығындағы цифрландыру

Цифрландыру технологияларын енгізу мәселесінде ауыл шаруашылығы жетекші орындардың бірін алады, өйткені елдің экономикалық тұрақтылығы көбінесе ауыл шаруашылығы саласының даму деңгейіне байланысты.

Ауыл шаруашылығы қазір бүкіл әлемде дәстүрліден инновациялық шешімдер мен әзірлемелер үшін жаңа нарықтар құруға қабілетті жоғары технологиялық салаға көшуде.

2022 жылға қарай Шығыс Қазақстанда Өсімдік шаруашылығындағы дәлме-дәл егіншілік пен мал шаруашылығындағы smart-фермалар ауқымды түрде енгізіледі.

Өсімдік шаруашылығында дәлме-дәл егіншілікті енгізу өнімділік пен еңбек өнімділігін арттыруға, елдің азық-түлік қауіпсіздігін сақтауға бағытталған. Жоспар бойынша екі жылдан кейін ол облыстың 150 озық шаруашылықтарында пайда болуы тиіс.

Облыстың мал шаруашылығы саласында 2022 жылға қарай 166 озық ферма және бір цифрлық ферма құру көзделген. Осы мақсатқа жету үшін қазір жануарларды есепке алу және күту бойынша ақпараттық-аналитикалық жүйесі, бағдарламалық жасақтамасы бар жабдықтар, микроклиматты автоматтандыру, селекциялық жұмысты компьютерлендіру бар негізгі фермалар құрылуда.