«Заң және тәртіп»: ШҚО-да есірткі жарнамасы бар 700-ден астам жазба жойылды
Шығыс Қазақстан облысында «Заң және тәртіп» қағидаты аясында есірткі қылмысының алдын алу және есірткі құралдарының заңсыз жарнамасын жою бойынша жүйелі жұмыстар жүргізілуде. Жыл басынан бері өңір аумағында есірткі жарнамасы бар 700-ден астам заңсыз жазба мен QR-код анықталып, жойылды.
Бұл бағыттағы профилактикалық жұмыстар полиция қызметкерлері, қоғамдық ұйымдар, жастар және волонтерлердің бірлескен күш-жігерімен жүзеге асырылуда. Кезекті рейдке ШҚО ПД Есірткі қылмысына қарсы іс-қимыл басқармасының қызметкерлері, «Esbol Qory» қоғамдық қорының, облыстық жастар ресурстық орталығының өкілдері мен еріктілер қатысты.
Іс-шара барысында Өскемен қаласының Назарбаев даңғылы бойындағы көшелер мен инфрақұрылым нысандары тексерілді. Нәтижесінде есірткі дүкендерінің мекенжайлары мен QR-кодтары көрсетілген 30-дан астам наркограффити анықталды. Барлық заңсыз жазбалар арнайы бояудың көмегімен боялып, жойылды.
Рейд барысында жастар арасында есірткінің адам денсаулығына және қоғамға тигізетін зияны туралы түсіндіру жұмыстары да жүргізілді. Мамандар есірткі заттарының таралуына қарсы күресте тек құқық қорғау органдарының ғана емес, бүкіл қоғамның белсенді ұстанымы маңызды екенін атап өтті.
Мұндай профилактикалық рейдтердің негізгі мақсаты — есірткінің заңсыз жарнамасының таралуына жол бермеу, жастарды зиянды әдеттерден қорғау және тұрғындардың құқықтық жауапкершілігін арттыру.
«Заң және тәртіп» қағидаты аясындағы жұмыстар алдағы уақытта да жалғасады. Полиция қызметкерлері тұрғындарды қоғамдық орындарда есірткі жарнамасына ұқсас жазбалар немесе QR-кодтар анықталған жағдайда, бұл туралы құқық қорғау органдарына дереу хабарлауға шақырады.
Шымкентте заманауи AI-кеңсе іске қосылды
Шымкентте мемлекеттік қызметтерді өз бетінше алуға және цифрлық сервистерді пайдалануға арналған еліміздегі бесінші жаңа форматтағы цифрлық кеңсе ашылды. Кеңістік мемлекеттік қызметтерді пайдаланудың қолайлылығы мен қолжетімділігіне қойылатын заманауи талаптарды ескере отырып жасақталған.
AI-кеңседе жедел қызмет көрсету, цифрлық, сараптамалық және оқыту аймақтарымен қоса демалуға арналған арнайы орын қарастырылған. Кеңсе моноблоктармен, жоғары жылдамдықты сканерлермен және eGov GPT сервисі орнатылған ақпараттық экрандармен жабдықталған.
Жаңа кеңсенің басты жаңашылдықтарының бірі - құжаттандыру терминалы. Оның көмегімен азаматтар жеке куәлік немесе паспортты өз бетінше бірнеше минуттың ішінде рәсімдей алады.
«Мемлекеттік қызметтерді цифрландыру - күнделікті жұмысымыздың ажырамас бөлігіне айналды. Біз Мемлекет басшысы айқындаған стратегиялық міндеттер аясында қызметтерді автоматтандырып, азаматтарға барынша қолайлы әрі қолжетімді жағдай жасауға басымдық беріп келеміз. AI-кеңселер - осы бағыттағы нақты қадам», – деді «Азаматтарға арналған үкімет» мемлекеттік корпорациясы» КЕАҚ Басқарма төрағасы Арман Кенжеғалиев.
Мұнда цифрлық сервистермен қатар, азаматтар цифрлық дағдыларын жетілдіріп, электрондық сервистерді пайдалануды тегін үйретуге арналған арнайы оқыту аймақтары да қарастырылған.
Бұған дейін осындай AI-кеңселер Астана қаласында, сондай-ақ Түркістан және Ұлытау облыстарында ашылған болатын. Мемлекеттік корпорация алдағы уақытта заманауи цифрлық кеңселер желісін еліміздің басқа өңірлерінде де дамытуды жоспарлап отыр.
Қазақстандықтар жыл басынан бері бала тууына байланысты 200 мыңнан астам біржолғы мемлекеттік жәрдемақы рәсімдеді
Сәбидің дүниеге келуі - кез-келген отбасы үшін зор қуаныш. Бұл маңызды оқиға тиісті мемлекеттік жәрдемақыларды рәсімдеу сияқты жауапты міндетпен толығады. Ата-аналар бала тууына байланысты жәрдемақыны «Азаматтарға арналған үкімет» мемлекеттік корпорациясы арқылы ала алады. Биылғы жылдың 8 айында бала тууына байланысты біржолғы төлемді 200 мыңнан астам отбасы рәсімдеген.
Бұл ретте қызметті проактивті түрде алу мүмкіндігі болғандықтан, жәрдемақы рәсімдеу үшін ХҚКО-ға арнайы бару міндетті емес. Бала тууы тіркелгеннен кейін ата-ананың біріне SMS-хабарлама жолданады. Жәрдемақы алуға келісімін растап, банк шотын көрсеткеннен кейін төлем автоматты түрде тағайындалады.
Рәсімделген төлемдердің басым бөлігі оңтүстік өңірлер мен республикалық маңызы бар қалаларға тиесілі. Мемлекеттік қолдауға ие болғандар саны бойынша Түркістан облысы көш бастап тұр. Онда 28 мыңнан астам отбасы жәрдемақы алған. Екінші орында 19 мыңнан астам төлем рәсімделген Алматы қаласы тұр. Ал үздік үштікті 17 мыңнан астам отбасы жәрдемақы алған Астана қаласы түйіндейді.
Мемлекеттен берілетін біржолғы қаржылай көмек мөлшері нәрестенің дүниеге келген кезегіне байланысты. 2026 жылы бірінші, екінші немесе үшінші бала дүниеге келгенде 164 350 теңге берілсе, одан кейін туған балаларға берілетін жәрдемақы құны 272 475 теңгені құрайды.
Ата-аналар құжаттарды бала туған күннен бастап 18 ай ішінде рәсімдеуі маңызды. Себебі аталған мерзім өткеннен кейін, жәрдемақы алу құқығы жойылады.
Жәрдемақыны «Азаматтарға арналған үкімет» мемлекеттік корпорациясы арқылы 7 жұмыс күні ішінде, ал электронды үкімет порталы мен екінші деңгейдегі банктердің қосымшалары арқылы 4 жұмыс күні ішінде рәсімдеуге болады.
Бүгін Тарбағатай ауданы әкімінің аппаратының басшысы, Әдеп жөніндегі уәкіл Ермек Құрманғалиев ауылдық округ әкімдері мен және бас мамандарымен кездесу өткізді.
Кездесуде мемлекеттік қызметшілер үшін маңызды бірқатар мәселелерге назар аударылды.
🔹 Әдеп кодексі – мемлекеттік қызметшінің кәсіби мәдениеті мен мінез-құлқының негізгі өлшемдерінің бірі. Қызметтік әдепті сақтау, адалдық пен әділдік қағидаттарын ұстану, мүдделер қақтығысына жол бермеу мәселелері талқыланды.
🔹 Лудоманияның алдын алу – құмар ойындарға тәуелділіктің жеке адамға, отбасына және қызметтік беделге тигізетін кері әсері түсіндірілді. Мемлекеттік қызметшілердің жауапкершілігі мен қаржылық сауаттылығын арттыру қажеттігі айтылды.
🔹 Цифрлық мәдениет – әлеуметтік желілерді пайдалану кезінде мемлекеттік қызметшілердіңж жауапкершілігіне, ақпаратты сауатты әрі шынайы таратуға, жария коммуникация мәдениетін сақтауға баса мән берілді.
🔹 Ұжымдағы ахуал – әріптестер арасында өзара сыйластық пен түсіністікті қалыптастыру, қызметтік қарым-қатынастың мәдениетін арттыру және қолайлы моральдық-психологиялық орта қалыптастыру мәселелері қозғалды.
Кездесу барысында Әдеп жөніндегі уәкіл мемлекеттік қызметшілерге заң талаптары мен Әдеп кодексі нормаларын сақтау – әрбір мемлекеттік қызметшінің кәсіби әрі азаматтық жауапкершілігі екенін атап өтті.
Қазақстан Республикасының заңнамасы талаптарының бұзылуының алдын алу, қызметтік әдеп нормаларын сақтау және мемлекеттік қызметтің оң имиджін қалыптастыру мақсатында мемлекеттік қызметшілердің әлеуметтік желілер мен мессенджерлерді пайдалану кезінде жауапты әрі әдепті мінез-құлық таныту қажеттігіне назар аударамыз.
Қазіргі уақытта әлеуметтік желілер кең көлемде ақпарат тарату алаңы болып табылады. Онда орналастырылған жеке жарияланымдар, фотосуреттер, бейнематериалдар, пікірлер, мәртебелер (статустар) және өзге де ақпараттар көпшілікке қолжетімді болып, мемлекеттік қызметші туралы пікір қалыптастыруға және азаматтардың мемлекеттік қызметке деген сеніміне әсер етуі мүмкін.
Осыған байланысты мемлекеттік қызметшілерге әлеуметтік желілерді пайдалану кезінде келесі қағидаларды сақтау ұсынылады:
1. Жеке және ресми аккаунттарды ажырату.
Мемлекеттік органдардың, құрылымдық бөлімшелердің және лауазымды тұлғалардың ресми парақшалары тек қызметтік ақпаратты өздеріне берілген өкілеттіктер шегінде орналастыру үшін пайдаланылуы тиіс.
Мемлекеттік қызметшінің жеке парақшасы оның жеке ақпараттық кеңістігі болып табылады. Алайда оның мазмұны Қазақстан Республикасының заңнамасының талаптарына, мемлекеттік қызметшілер үшін белгіленген шектеулерге, сондай-ақ Қазақстан Республикасы мемлекеттік қызметшілерінің Әдеп кодексінің нормаларына қайшы келмеуі тиіс.
Бұл ретте парақшада «жеке парақша» деген белгі қою немесе жарияланған пікірдің жеке көзқарас болып табылатынын көрсету мемлекеттік қызметшіні заңнама талаптары мен қызметтік әдеп нормаларын сақтау міндетінен босатпайды.
2. Жарияланымдарды, фотосуреттерді, бейнематериалдар мен мәртебелерді (статустарды) орналастыруға жауапкершілікпен қарау.
Әлеуметтік желілерде:
* мемлекеттік қызметтің немесе мемлекеттік органның беделіне нұқсан келтіруі мүмкін;
* мемлекеттік қызметшінің кәсіби және моральдық-әдептік қасиеттері туралы теріс пікір қалыптастыратын;
* сыбайлас жемқорлыққа қарсы заңнаманың талаптарына қайшы келетін;
* мүдделер қақтығысының туындауына негіз болатын;
* балағат, қорлайтын, арандатушылық немесе адамның қадір-қасиетін кемсітетін сипаттағы;
* мемлекеттік қызметшінің жоғары мәртебесіне сәйкес келмейтін мінез-құлықты көрсететін;
* қолжетімділігі шектеулі мәліметтерді немесе көпшілікке жариялауға арналмаған қызметтік ақпаратты қамтитын материалдарды орналастырудан аулақ болған жөн.
Мәртебелерге (статустарға), Stories форматындағы жазбаларға, фотосуреттер мен бейнематериалдарға ерекше назар аудару қажет, себебі қысқа уақытқа орналастырылған ақпараттың өзі басқа пайдаланушылар тарапынан сақталып, таратылып, қоғамдық талқылауға түсуі мүмкін.
3. Сыбайлас жемқорлыққа қарсыҚайырлы күн, әріптестер! Барлық мемлекеттік қызметшілер үшін шектеулерге қайшы келетін жарияланымдарға жол бермеу.
Мемлекеттік қызметшілер әлеуметтік желілерде қымбат тұратын заттарды, сән-салтанатты, демалысты және өзге де материалдық игіліктерді олардың алынуының заңды көзі анық көрсетілмеген жағдайда көрсетуі азаматтардың тарапынан негізді сұрақтар туындатып, мемлекеттік қызметшінің беделіне кері әсер етуі мүмкін екенін ескеруі қажет.
Әлеуметтік желілерді мемлекеттік қызмет және сыбайлас жемқорлыққа қарсы заңнама талаптарына сәйкес келмейтін коммерциялық қызметті, тауарлар мен көрсетілетін қызметтерді жарнамалау немесе ілгерілету мақсатында пайдалануға жол берілмейді.
Сондай-ақ қызметтік жағдайын, лауазымын, мемлекеттік рәміздерді, мемлекеттік органның ресурстарын немесе мемлекеттік органның беделін жеке мүддесіне пайдаланғандай әсер қалдыратын жарияланымдардан аулақ болу қажет.
4. Қызметтік әдеп нормаларын сақтау.
Әлеуметтік желілерді жүргізу кезінде мемлекеттік қызметшілер мынадай қағидаттарды басшылыққа алуы қажет:
* адалдық;
* әділдік;
* шынайылық;
* азаматтар мен әріптестерге құрметпен қарау;
* әдептілік және ұстамдылық;
* объективтілік;
* өз әрекеттері мен пікірлері үшін жауапкершілік.
Азаматтармен, әріптестермен және мемлекеттік органдардың өкілдерімен жария түрде жанжалға түсуге, балағат сөздер айтуға, қорқытуға, кемсітуге, сондай-ақ қызметтік әдеп талаптарына сәйкес келмейтін нысанда интернеттегі пікірталастарға қатысуға жол бермеу қажет.
5. Мемлекеттік қызметшінің мәртебесін есте сақтау.
Мемлекеттік қызметші ресми немесе жеке аккаунтты пайдаланғанына қарамастан, оның әлеуметтік желілердегі жария мінез-құлқы өзі қызмет атқаратын мемлекеттік органмен байланыстырылуы мүмкін екенін түсінуі тиіс.
Кез келген материалды жарияламас бұрын өзіңізге мынадай сұрақтар қойған жөн:
Бұл заңнама талаптарын бұзбай ма?
Бұл Әдеп кодексіне қайшы келмей ме?
Жарияланым лауазымды жеке мүддеге пайдалану туралы түсінік қалыптастырмай ма?
Ол мемлекеттік қызметтің беделіне кері әсер етуі мүмкін бе?
Мен бұл жарияланымның мазмұнын басшылық пен азаматтарға түсіндіруге дайынмын ба?
Күмән туындаған жағдайда мұндай жарияланымды орналастырудан бас тартқан жөн.
Мемлекеттік қызметшілердің заңнама талаптары мен қызметтік әдеп нормаларын сақтауы тек жұмыс уақытында және қызметтік міндеттерін орындау кезінде ғана емес, сонымен қатар олардың ақпараттық кеңістіктегі жария мінез-құлқына да қатысты екеніне назар аударамыз. Бұл ретте мұндай мінез-құлық мемлекеттік қызметтің беделіне және заңнамада белгіленген шектеулерге әсер етпеуі тиіс.
Мемлекеттік органдар мен аппараттардың басшыларына осы ақпараттық хатты барлық мемлекеттік қызметшілерге жеткізуді және тиісті профилактикалық әрі түсіндіру жұмыстарын жүргізуді қамтамасыз ету ұсынылады.
Осы ұсынымдардың негізгі мақсаты — мемлекеттік қызметшілердің әлеуметтік желілерді пайдалану құқығын шектеу емес, жауапты цифрлық мінез-құлықты қалыптастыру, әдептік және сыбайлас жемқорлық тәуекелдерінің алдын алу және мемлекеттік қызметтің жоғары беделін сақтау.
Камбоджа Корольдігі Ішкі істер министрлігінің делегациясы мемлекеттік қызметтерді көрсету жүйесін цифрландыру мен модернизациялаудағы қазақстандық тәжірибені үйрену мақсатында «Азаматтарға арналған үкімет» мемлекеттік корпорациясына барды.
Сапар барысында шетелдік қонақтар фронт-офистердің жұмысымен, өтінімдерді қабылдау және дайын құжаттарды беру процесімен, сондай-ақ азаматтарға көрсетілетін қызмет сапасы мен жылдамдығын арттыруға бағытталған заманауи шешімдермен танысты.
Қолданыстағы жүйенің ауқымы делегацияға Қазақстандағы халыққа мемлекеттік қызмет көрсетуді ұйымдастыру барысын іс жүзінде көруге мүмкіндік берді. Бүгінгі таңда елде жұмыс істейтін 318 фронт-офистарында азаматтарға мемлекеттік қызметтің 1330 түрі қолжетімді. Оның 1272-сі электрондық үкімет порталы арқылы онлайн-форматта көрсетіледі.
Сапар аясында делегацияға Кайдзен қағидаттары бойынша жобаланған, өзіне-өзі қызмет көрсету аймақтары кеңейтілген заманауи «Халыққа қызмет көрсетудің цифрлық офистері», сондай-ақ азаматтарға дайын құжаттарды 24/7 режимінде алуға мүмкіндік беретін постаматтар таныстырылды.
Камбоджа өкілдерінің ерекше қызығушылығын цифрлық технологиялар мен биометриялық сәйкестендіруді ұштастыратын цифрлық ХҚКО-ның жаңа форматы – AI-офистер тудырды. AI-офистер үш функционалдық аймақты қамтиды: SELF – өзіне-өзі қызмет көрсету терминалдары арқылы анықтамалар алуға, DIGITAL – онлайн қызметтерді рәсімдеуге және ASSIST – күрделі мәселелерді консультанттың көмегімен шешуге бағытталған.
Камбоджа Ішкі істер министрлігінің өкілдері таныстырылған цифрлық шешімдердің тиімділігі мен практикалық маңызын жоғары бағалады. Делегация мүшелері мемлекеттік қызмет көрсету үдерістерін цифрландыруға, өзіне-өзі қызмет көрсету мүмкіндіктерін кеңейтуге және заманауи технологияларды енгізуге ерекше қызығушылық танытты. Қазақстанның бұл бағыттағы тәжірибесі Камбоджада мемлекеттік қызметті көрсету жүйесін одан әрі жаңғырту және жетілдіру барысында пайдалы болатынын атап өтті.
Материал 1.
Ресми жаңалық. Алаңдар: уәкілетті органның сайты, салалық портал, республикалық БАҚ, әкімдіктердің, басқармалардың сайттары
Қазақстанда тұрғын үй қорын жаппай түгендеу басталады.
Елдің барлық көппәтерлі үйлері мекенжайы, қабаты, пәтерлер мен тұрғын емес үй — жайлар саны, үйдің жай-күйі, лифтілер мен есепке алу аспаптары бар бір тізілімге жинақталатын болады. Жұмыс «Тұрғын үй қатынастары туралы» Заңды орындау және «Энергетикалық және коммуналдық секторларды жаңғырту» ұлттық жобасы, сондай-ақ күрделі жөндеу мен техникалық тексерудің мемлекеттік бағдарламаларын жоспарлау шеңберінде жүргізіледі.
Түгендеу «Тұрғын үй қатынастары туралы» Заңның 2-бабы бойынша көппәтерлі тұрғын үйдің анықтамасына сәйкес келетін барлық ғимараттарды қамтиды: кондоминиум объектісінің ортақ мүлкінен және екі немесе одан да көп пәтерден немесе тұрғын емес үй-жайлардан тұратын жеке тұрған ғимарат. Есепке қабатына, меншік иелерінің санына, тіркелген кондоминиум объектісінің болуына және басқарудың таңдалған нысанына қарамастан, ауылдық елді мекендердегі екі және төрт пәтерлі үйлерді және басқару нысаны әлі анықталмаған үйлерді қоса алғанда, үйлер жатады.
Әрбір үйде тізілімде бірыңғай кілт бар — мекенжайдың тіркеу коды (МТК). Осы код бойынша үйге басқа көздерден алынған мәліметтер: ғимараттың техникалық сипаттамалары, сандық және сапалық көрсеткіштер, Үй-жайлар туралы деректер, басқару нысаны мен лифттердің жай-күйі туралы мәліметтер, желілер мен есептеу құралдарына қосылу туралы деректер «бекітіледі».
Мәліметтерді беру тәртібі Тұрғын үй қатынастары және тұрғын үй-коммуналдық шаруашылық саласындағы ақпаратты қалыптастыру, өңдеу, орталықтандырылған жинау және сақтау қағидаларында белгіленген. Олар деректерді беруге міндетті ұйымдардың шеңберін анықтады: жергілікті атқарушы органдар, табиғи монополиялар субъектілері, мүлік иелерінің бірлестіктері, мүлік иелерінің кооперативтері, басқа басқару субъектілері.
Меншік иелерінің дербес деректері-тегі, жеке сәйкестендіру нөмірлері, құқық белгілейтін құжаттар және берешек туралы мәліметтер-түгендеу кезінде жиналмайды.
-------------------------------------------------------------------------------------------------------
Тізілім не береді: лифттерді күрделі жөндеуге және ауыстыруға арналған үйлердің нақты тізімдері, үйлердің есепке алу құралдарымен жабдықталуының нақты деңгейін түсіну, орташаланған бағалаулар емес, нақты деректер негізінде желілерді жаңғыртуға өңірлердің қажеттілігін есептеу. Коммуналдық төлемдер түбіртектерінде есептеудің дұрыстығы ПИК пен МИБ, басқарушы компаниялар арасында атқарушылық құжаттаманы жүргізу және жұмыс тәртібін арттырады
-------------------------------------------------------------------------------------------------------.
Мәліметтерді жинауды облыстардың әкімдіктері аудандар мен облыстық маңызы бар қалалардың тұрғын үй инспекциялары арқылы ұйымдастырады. Хабарламалар мен жұмыс нысандары мүлік иелерінің бірлестіктеріне, тікелей бірлескен басқарудағы үйлердің өкілдеріне, басқару субъектілеріне және коммуналдық қызметтерді жеткізушілерге жіберіледі.
Кәмелетке толмағандардың қатысуымен болатын жол-көлік оқиғаларының алдын алу мақсатында Шығыс Қазақстан облысының прокуратурасы мүдделі мемлекеттік органдармен бірлесіп, балалардың тиісті жүргізуші куәлігі мен дағдылары болмаған жағдайда мопедтер мен мотоциклдерді басқаруына жол бермеу бойынша профилактикалық жұмыс жүргізуде.
Ата-аналарға ескертеміз: мотокөлік жоғары қауіп көзі болып табылады және балаға арналған ойыншық ретінде қарастырылмауы тиіс. Кәмелетке толмаған адамға басқаруды беру оның өмірі мен денсаулығына, сондай-ақ жол қозғалысының басқа да қатысушыларының қауіпсіздігіне қауіп төндіреді.
Мопедті басқаруға 16 жастан бастап тиісті жүргізуші куәлігі болған кезде, мотоциклді басқаруға 18 жастан бастап басқару құқығы болған кезде жол беріледі.
Тиісті басқару құқығы жоқ кәмелетке толмағандарға мотокөлікті басқаруды беруге тыйым салынады.
Жоғары жылдамдық, қажетті дағдылардың болмауы, Жол жүрісі қағидаларын сақтамау және мотокөлікті қорғаныс құралдарынсыз пайдалану жол-көлік оқиғаларының қаупін едәуір арттырады.
Облыс прокуратурасы ата-аналарды тиісті құжаттары жоқ балалардың мопедтер мен мотоциклдерді басқаруына жол бермеуге, оларға жол жүрісі қағидалар.
2026 жылдың басынан «Азаматтарға арналған үкімет» мемлекеттік корпорациясы еліміздің ауылдық елді мекендер тұрғындарына мемлекеттік қызметтерді алу және цифрлық сервистерді пайдалану бойынша оқыту жұмыстарын жүргізді. Бір жарым ай ішінде еліміздің түрлі өңірлерінен 18 мыңнан астам азамат оқудан өтті.
Қазақстан Республикасында жарияланған Цифрландыру және жасанды интеллект жылы аясында жүзеге асырылып жатқан бұл бастама халықтың цифрлық сауаттылығын арттыруға, мемлекеттік қызметтердің қолжетімділігін кеңейтуге және оларды онлайн форматта өз бетінше алу дағдыларын қалыптастыруға бағытталған. Өңірлер арасында Қостанай, Солтүстік Қазақстан, Жамбыл және Алматы облыстарында оқытылған азаматтар саны басым.
Оқу сабақтарын «Азаматтарға арналған үкімет» мемлекеттік корпорациясының мамандары еліміздің әр өңіріндегі ауылдық округтер мен елді мекендерде өткізді.
Сонымен қатар, жыл басынан бері «Таным» корпоративтік оқу орталығының қатысуымен облыс орталықтарында 5 мыңға жуық азамат оқытудан өтті. Сабақ барысында азаматтар мемлекеттік қызметтерді онлайн режимде алу тәртібін, сондай-ақ мемлекеттік цифрлық инфрақұрылымның негізгі құралдары мен мүмкіндіктерін меңгерді.
Еске сала кетейік, электрондық мемлекеттік қызметтерді және заманауи онлайн-сервистерді пайдалануды тегін үйренгісі келетін азаматтар үшін еліміздің әр облыс орталығында оқу сыныптары жұмыс істейді. Сабақтар сәрсенбі және жұма күндері сағат 10:00-ден 12:00-ге дейін өткізіледі.
Ет өңдеу комбинаты өкілдерімен кездесу
Бүгін аудан әкімінің орынбасары Қуаныш Рүстембекұлының басшылығымен, ауыл шаруашылығы, жер қатынастары және кәсіпкерлік бөлімінің басшысы Мейрамбек Асылбекұлының қатысуымен ауданымыздың шаруашылық құрылымдары мен кәсіпкерлері Семей қаласында жаңадан салынған ет өңдеу комбинатының өкілдерімен кездесті.
Кәсіпорын мал бордақылау және толық циклді ет өңдеумен айналысады. Өндірістік қуаты тәулігіне 100 бас ірі қара және 1000 бас қой қабылдауға мүмкіндік береді. Комбинатта консерві, шұжық және басқа да ет өнімдерін өндіру, сондай-ақ болашақта өнімдерді экспортқа шығару жоспарланған.
Кездесу барысында мал қабылдау тәртібі, өнімге қойылатын талаптар, баға және өзара тиімді ынтымақтастық мәселелері талқыланды.
Бұл – аудан шаруалары үшін ет өнімдерін тұрақты өткізу нарығын кеңейтіп, өңдеуші кәсіпорындармен тиімді серіктестік орнатуға жақсы мүмкіндік.