Су тасқыны қатерлерінің алдын алу және жою мақсатында ҚР Төтенше жағдайлар министрлігі «2021-2023 жылдарға арналған су тасқыны қатерлерінің алдын алу және жою жөніндегі шаралар кешені» Жол картасын бекітті.
Облыс бойынша Жол картасына барлығы 21 іс-шара енгізілген.
2021 және 2022 жылғы іс-шаралар толық көлемде орындалды.
2023 жылы 5 іс-шараны іске асыру жоспарлануда, оның ішінде:
1) Глубокое ауданындағы Өскемен-Риддер қаласы автожолының 103 км ауданындағы Үлбі өзеніндегі су тасқынына қарсы іс-шаралар;
2) Глубокое ауданы Черемшанка ауылындағы «Кеңес және К» ЖШС өндірістік базасы ауданындағы Үлбі өзеніндегі су тасқынына қарсы іс-шаралар;
3) Глубокое ауданы Черемшанка ауылынан жоғары Үлбі өзеніндегі жағалауды нығайту жұмыстары;
4) Катонқарай ауданында ұзындығы 300 метр Сарымсақты өзенінде жағалауды нығайту бойынша ағымдағы жұмыстар;
5) Зайсан ауданындағы ұзындығы 1500 м Жарлы өзенінің арнасын тазалау және жағалауды нығайту жұмыстары.
Бүгінгі күні, жоғарыда аталған 2023 жылдың іс-шаралары бойынша бюджеттік өтінімдер Экономика және бюджеттік жоспарлау басқармасына мәслихаттың Облыстық сессиясының қарауына жіберілді.
Жоғарыда аталған іс-шараларды орындау тұрғын үйлер мен әлеуметтік нысандардың су басуына жол бермейді, сондай-ақ су тасқыны кезеңінде халықтың әлеуметтік шиеленісін жояды.