Кандас мәртебесін алу үшін не қажет?

1. Сіз «Құтты мекен» мобильді қосымшасы арқылы немесе Қазақстан Республикасының шет елдердегі мекемесі арқылы мынадай құжаттармен қоса өтініш беріңіз:

1) еркін нысанда жазылған өмірбаян;

 

2) сіздің және отбасы мүшелеріңіздің (бар болса) жеке басын куәландыратын құжаттардың көшірмелері, қазақ немесе орыс тілдеріне нотариалды куәландырылған аудармасымен (туу туралы куәліктер, шетелдік паспорт, азаматтығы жоқ адамның куәлігі немесе ұлтыңызды растайтын шыққан елдің арнаулы органдарының басқа да ресми құжаттары);

 

3) сіздің Қандас мәртебесін беру немесе ұзарту Қағидалардың 2-тармағының 18) тармақшасында көзделген шарттарға сәйкестігіңізді белгілейтін құжаттардың көшірмелері (18) тармақшада этникалық қазақ – ұлты қазақ шетелдік немесе азаматтығы жоқ адам).

 

2. «Құтты мекен» АЖ мобильдік қосымшасы немесе Қазақстан Республикасының шет елдердегі мекемесі арқылы берілген өтінішіңіз халықты әлеуметтік қорғау және жұмыспен қамту мәселелері жөніндегі жергілікті атқарушы органдардың (ШҚО жұмыспен қамту және әлеуметтік бағдарламаларды үйлестіру басқармасы) қарауына келіп түседі.

 

3. Өтініш 35 жұмыс күні ішінде қаралады.

 

4. Өтініш қаралғаннан кейін «Құтты мекен» мобильді қосымшасына немесе Қазақстан Республикасының шет елдердегі мекемесіне қандас мәртебесін беру туралы шешім жіберіледі, бұл шешім сіздің шешімде көрсетілген қоныстандыру аймағына келген күні күшіне енеді.

5. Халықты әлеуметтік қорғау және жұмыспен қамту мәселелері жөніндегі жергілікті атқарушы орган (ШҚО жұмыспен қамту және әлеуметтік бағдарламаларды үйлестіру басқармасы) Сіздің қандас мәртебесін беру туралы шешімде көрсетілген қоныстандыру аймағына келген күннен кейін үш жұмыс күні ішінде бейімдеу мен интеграциялаудың жеке жоспарына қол қояды және қандас куәлігін береді.