2026 жылғы 21 қаңтарда Клубтың жаңартылған құрамдағы алғашқы отырысы өтті. Клубтың жаңа құрамы бекітіліп, төрағасы болып Медет Маратұлы Елшібай сайланды. Клубтың әнұраны мен эмблемасы әзірленді.
Кездесу барысында алдағы кезеңге арналған жастармен жұмыс жоспары, оның ішінде Шемонаиха ауданының білім беру ұйымдарымен өзара іс-қимыл мәселелері айқындалды. Клуб мүшелері Шығыс Қазақстан облысының үздік Жас сайлаушылар клубы конкурсын өткізу туралы Ережемен танысып, конкурсқа қатысу алгоритмін әзірледі.
Клуб жұмысы жастардың құқықтық мәдениетін қалыптастыруға, сондай-ақ сайлау процестері мен сайланбалы институттар туралы білім деңгейін арттыруға басымдық бере отырып жалғастырылатын болады.