Шемонаиха аудандық сайлау комиссиясының 2025 жылғы 27 қыркүйектегі шешімімен Шемонаиха аудандық сайлау комиссиясы жанынан Жас сайлаушылар клубы құрылды. Жас сайлаушылар клубының құрамы 7 мүшеден қалыптастырылды.
Аталған бастама Орталық сайлау комиссиясының қаулысы негізінде жүзеге асырылды. Жас сайлаушылар клубы еліміздің әр өңірінде құрылып, жастардың сайлауға қатысу белсенділігін және құқықтық сауаттылығын арттыруды көздейді.
Клубты құрудың негізгі мақсаты – аудан жастарының сайлау процесінің өзекті мәселелеріне назарын аудару, олардың сайлау мәдениетін қалыптастыруға және сайлау жүйесіне деген қызығушылығын арттыру.
Клубтың алғашқы отырысы ауданның Достық үйінде өтті. Отырыста Жас сайлаушылар клубының құрамы бекітіліп, клуб мүшелерінің мақсаттары мен міндеттері түсіндірілді. Клуб құрамына жастар ресурстық орталығының мамандары, жергілікті атқарушы органдардың өкілдері, колледж студенттері және белсенді жастар қабылданды.
Жаңадан құрылған «Жас сайлаушылар клубы» – болашаққа бағдарланған, Жаңа Қазақстанды бірлесіп қалыптастыруға ұмтылатын жас ұрпаққа арналған алаң.