Қоғамдық қауіпсіздікті қамтамасыз ету, құқық бұзушылықтардың алдын алу және азаматтардың құқықтарын қорғау мақсатында Қазақстанда бейбіт митингілерді өткізу тәртібі бар екенін түсіндіреміз, онда жиналыстарды, митингілер мен пикеттерді ұйымдастыру және өткізу үшін хабарлама рәсімі көзделген.
Яғни, жиналыстар, митингілер мен пикеттер өткізілетін күнге дейін ұйымдастырушы 5 жұмыс күні ішінде жергілікті атқарушы органға хабарлама беруге тиіс, ол 3 күн ішінде қаралады («Қазақстан Республикасында бейбіт жиналыстарды ұйымдастыру және өткізу тәртібі туралы» Заңның 10, 11 - бабы, бұдан әрі-заң).
Сонымен қатар, заң талаптарына сәйкес мұндай бейбіт жиналыстар тек арнайы жерлерде өткізілуі тиіс.
Осыған байланысты, 2024 жылғы 9 ақпанда Шемонаиха аудандық мәслихаты сессиясының №13/5-VIII шешімімен бейбіт жиналыстарды ұйымдастыру және өткізу үшін арнйы орындары мен олардың шекті толу нормалары және басқа да талаптар белгіленді.
Шемонаиха ауданының прокуратурасы азаматтарды қолданыстағы заңнама нормаларын мүлтіксіз сақтауға, арандатушылыққа берілмеуге және заңсыз акцияларға қатысудан бас тартуға шақырады.