Осы хатпен Қазақстан Республикасы Ауыл шаруашылығы министрінің 2023 жылғы 19 маусымдағы № 236 бұйрығымен (ҚР ӘМ 2023 жылғы 21 маусымда №32866 болып тіркелген, ҚР НҚА электрондық түрдегі эталондық бақылау банкі, 24.06.2023 ж.) «Жер қатынастары саласындағы мемлекеттік қызметтерді көрсету жөніндегі қағидаларды бекіту туралы» Қазақстан Республикасы Ауыл шаруашылығы министрінің 2020 жылғы 1 қазандағы № 301 бұйрығына Қағидалар мен Мемлекеттік қызметті көрсетуге қойылатын негізгі талаптардың тізбесін жаңа редакцияда бекіте отырып өзгерістер енгізілгенін хабарлаймыз:
1) «Жер учаскесінің жалдау мерзімін ұзарту»;
2) «Жер учаскелерін қалыптастыру бойынша жерге орналастыру жобаларын бекіту»;
3) «Жер учаскесінің нысаналы мақсатын өзгертуге шешім беру»;
4) «Іздестіру жұмыстарын жүргізу үшін жер учаскелерін пайдалануға рұқсат беру»;
5) «Ауыл шаруашылығы алқаптарын бір түрден екінші түрге ауыстыруға түпкілікті шешім беру»;
6) «Елді мекендер шегінде объекті салу үшін жер учаскелерін беру»;
7) «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу»;
8) «Жер учаскелерінің бөлінетіндігін және бөлінбейтіндігін айқындау»;
9) «Бүлінген жерлерді рекультивациялау жобасын келісу және беру»;
10) «Жер учаскесін жеке меншікке ақысын бірден төлеу не бөліп төлеу арқылы сату»;
11) «Жер учаскесін алу үшін кезекке қою».
Бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.