Шемонаиха ауданы әкімдігінің 2021 жылғы 3 желтоқсандағы № 356 «Мүгедектер үшін жұмыс орындарына квота белгілеу туралы» қаулысына өзгерістер енгізу туралы

Қазақстан Республикасының «Құқықтық актілер туралы» Заңының  26-бабына, «Қазақстан Республикасының кейбір заңнамалық актілеріне мүгедектігі бар адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы» Қазақстан Республикасының Заңының 38-бабына байланысты, Шемонаиха ауданының әкімдігі ҚАУЛЫ ЕТЕДІ:

 

1. Шемонаиха ауданы әкімдігінің 2021 жылғы 3 желтоқсандағы № 356 «Мүгедектер үшін жұмыс орындарына квота белгілеу туралы» қаулысына (нормативтік құқықтық актілерді мемлекеттік тіркеу Тізілімінде № 163423 болып тіркелген)келесі өзгеріс енгізілсін:

тақырып мынадай редакцияда жазылсын:

«2022 жылға арналған мүгедектігі бар адамдар үшін жұмыс орындарына квота белгілеу туралы»;

қаулының бүкіл мәтіні бойынша:

«мүгедектерді», деген сөздер тиісінше «мүгедектігі бар адамдарды» деген сөздермен ауыстырылсын.

көрсетілген қаулының қосымшасы осы қаулының қосымшасына сәйкес жаңа редакцияда жазылсын.

2. Шемонаиха ауданы әкімдігінің 2020 жылғы 11 желтоқсандағы № 298 «Мүгедектер үшін жұмыс орындарына квота белгілеу туралы» қаулысының күші жойылды деп танылсын.
3. «Шемонаиха ауданының жұмыспен қамту және әлеуметтік бағдарламалар бөлімі» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулыны ресми жарияланғанынан кейін Шемонаиха ауданының әкімдігінің интернет-ресурсында орналастыруды қамтамасыз етсін.

4. Осы қаулының орындалуын бақылау аудан әкімінің орынбасары Г.А.Раимбековаға жүктелсін.
5. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Шемонаиха ауданының әкімі                                                              Г.Акулов

Дата публикации

01 сентября 2022