Бас прокуратураның Құқықтық статистика және арнайы есепке алу
комитетінің Қылмыстық қауіп-қатердің және қоғамдық қауіпсіздіктің
тәуекелдерін болжау орталығы интернет-алаяқтықтың жаңа схемасы туралы
ескертеді.
Шетелдік дереккөздердің мәліметінше
(https://www.bleepingcomputer.com/news/security/apple-account-change-alerts-abused-to-sendphishing-
emails/, https://itspeaker.ru/news/khakery-atakuyut-polzovateleyapple/,
https://securitymedia.org/news/list/apple-prevratili-v-fishing-retranslyator-moshennikivshivayut-
primanku-v-legitimnye-uvedomleniya.html), қаскөйлер PayPal төлем жүйесін
пайдалану арқылы iPhone құрылғысын сатып алу туралы жалған
хабарламалар таратуда.
Мұндай хаттар барынша шынайы көрінеді, себебі
киберқылмыскерлер appleid@id.apple.com мекенжайын пайдаланып,
хабарламалардың мазмұнын қолдан өзгертіп жібереді.
Хат мәтінінде пайдаланушыға iPhone құрылғысы сатып алынғаны
туралы хабарланып, транзакцияны тоқтату ұсынылады. Ол үшін көрсетілген
телефон нөмірі арқылы «қолдау қызметіне» хабарласу қажет екені айтылады.
Қоңырау барысында алаяқтар пайдаланушыны Apple ID аккаунты
бұзылды деп сендіріп, аккаунтты «қорғау» сылтауымен:
- құрылғыға қашықтан қол жеткізуге арналған бағдарламаларды
орнатуды ұсынады;
- құпия деректерді, соның ішінде парольдерді сұратады;
- шұғыл және қауіп-қатер сезімін тудыра отырып, психологиялық
тәсілдерді пайдаланады.
Цифрлық қауіпсіздіктің қарапайым шараларын сақтау
ұсынылады:
- күмәнді сілтемелерге өтпеу және хаттағы нөмірлерге қоңырау
шалмау;
- сатып алу туралы ақпаратты тек ресми сервистер арқылы тексеру;
- бөгде бағдарламаларды орнатпау;
- екі факторлы аутентификацияны пайдалану.
Осындай хабарламаларды алған жағдайда дереу ресми қолдау
қызметіне жүгініп, құқық қорғау органдарына хабарлау қажет.
Сақ болыңыздар: кез келген күтпеген хабарламаларға сенбеңіздер
«Шемонаиха ауданының жұмыспен қамту және әлеуметтік бағдарламалар бөлімі» ММ аудан тұрғындарын «Еңбек жолы – 2026» республикалық конкурсына қатысуға шақырады.
Конкурс келесі номинациялар бойынша өткізіледі:
✅ «Үздік еңбек әулеті»;
✅ «Өндірістің үздік жас қызметкері»;
✅ «Жұмыс істейтін жастардың үздік тәлімгері».
Конкурстың мақсаты – еңбек адамының беделін арттыру, жұмысшы мамандықтарын насихаттау, ұрпақтар сабақтастығын нығайту және еңбек дәстүрлерін қолдау.
📌 Қатысу үшін төмендегі құжаттарды ұсыну қажет:
▪ конкурсқа қатысу туралы өтініш;
▪ 2 тілде қысқаша түйіндеме;
▪ 1 түрлі-түсті фотосурет;
▪ жұмыс орнынан бейнеролик (міндетті түрде).
Түйіндемеде:
✔ туған жылы;
✔ білімі;
✔ еңбек өтілі мен жұмыс тәжірибесі;
✔ еңбек жолын бастаған орны;
✔ қазіргі жұмыс орны;
✔ отбасы және хобби туралы мәлімет;
✔ еңбек марапаттары (бар болса) көрсетілуі тиіс.
📅 Құжаттар 2026 жылғы 25 мамырға дейін қабылданады.
📧 Құжаттарды жолдау үшін электрондық пошта:
shem_zan@mail.ru
Аудан тұрғындарын конкурсқа белсенді қатысуға шақырамыз!
Қазақстан Республикасы Еңбек және халықты әлеуметтік қорғау, экология және табиғи ресурстар министрліктері, Қазақстан Республикасының Ұлттық кәсіпкерлер палатасы және Қазақстан Республикасының Кәсіподақтар федерациясы «Бизнестің әлеуметтік жауапкершілігі жөніндегі «Парыз» конкурсы туралы» Қазақстан Республикасы Президентінің 2008 жылғы 23 қаңтардағы № 523 Жарлығына сәйкес, 2026 жылы бизнестің әлеуметтік жауапкершілігі жөніндегі конкурстын өткізілуін ашық деп жариялады.
Конкурс ірі, орта, шағын кәсіпкерлік субъектілері үшін келесі номинациялар бойынша өткізіледі:
Бұл номинацияда өз персоналын қолдауға, мүмкіндігі шектеулі адамдарды әлеуметтік бейімдеуге және жалпы коғамның әл-ауқатын жақсартуға бағытталған әлеуметтік бағдарламаларды іске асыратын үміткерлердің қызметі қаралады.
Халықтың әлеуметтік осал және аз қамтылған топтарының жұмыспен қамтылуына және (немесе) тұрмыс жағдайларын жақсартуға ықпал ететін әлеуметтік жобалар қарастырылады.
Бұл номинацияда Қазақстан Республикасының заңнамасында көзделген, қызметкерлердің еңбек және әлеуметтік құқықтарын едәуір жақсартатын және нығайтатын ұжымдық шарттар қаралады.
Бұл номинацияда еңбек кызметі процесінде қызметкерлердің денсаулығын сақтауға мүмкіндік беретін еңбек жағдайларын жасайтын үміткерлердің қызметі қаралады.
Бұл номинацияда қоршаған ортаның, қалдықтарды кәдеге жарату мен қайта өңдеудің жай-күйін жақсартуға бағытталған табиғатты қорғау (экологиялық) бағдарламаларын, іс-шараларын және жобаларын іске асыруда ерекше көзге түскен үміткерлердің қызметі қаралады.
Конкурсқа қатысу үшін үміткерлер конкурсты ұйымдастырушыларға материалдарды бір данада береді (таңдау бойынша бір тілде рұқсат етіледі):
1) өтінім;
2) үміткердің өз қызметінің деңгейін өзін-өзі бағалауын және корпоративтік әлеуметтік жауапкершілігі бойынша нақты нәтижелерін білдіретін есебі болады.
Үміткердің есебінде: заңды тұлғаның немесе жеке тұлғаның тарихы; ұйымдық құрылымы; өзге де қосымша ақпарат.
3) сауалнама.
Бұл номинациялар бойынша құжаттарды мына мекенжайында қабылданады: «Шемонаиха ауданының жұмыспен қамту және әлеуметтік бағдарламалар бөлімі» ММ
Конкурсқа қатысуға үміткерлердің құжаттары ұсыну мерзімі – 2026 жылғы 01 шілде. Толық ақпаратты www.paryz.kz сайтынан табуға болады.
Шығыс Қазақстан облысының прокуратурасы интернет-алаяқтықтың алдын алу және азаматтарды фишингтік сілтемелер мен алаяқ сайттардан қорғау мақсатында «FradGuard» мобильді қосымшасын әзірледі.
📱 Қосымша фондық режимде жұмыс істеп, күмәнді сілтемелер, сайттар мен бағдарламалар жүктелмей тұрып пайдаланушыны ескертеді.
«FradGuard» қосымшасының көмегімен:
✅ жеке деректеріңізді қорғауға;
✅ алаяқтық сілтемелерге өтудің алдын алуға;
✅ интернет-алаяқтық тәуекелін төмендетуге;
✅ ұялы телефонды қауіпсіз пайдалануға болады.
📌 Қазіргі уақытта қосымша Android платформасындағы құрылғыларға жүктеуге қолжетімді.
⚠️ Сақ болыңыз!
Бөгде адамдарға:
▪ SMS арқылы келген кодтарды;
▪ банк картасының деректерін;
▪ құпиясөздер мен жеке мәліметтерді бермеңіз.
Өзіңізді және жақындарыңызды интернет-алаяқтардан қорғаңыз!
📲 «FradGuard» мобильді қосымшасына сілтеме:
https://drive.google.com/drive/folders/1LEgSiUCjs4GzXUq-cDfy26z4CKjTRFve
Қауіпсіз интернет – сіздің қырағылығыңыздан басталады!
Балалардың құқықтары мен қауіпсіздігін қорғау мақсатында Шығыс Қазақстан облысының прокуратурасы «URPAQ» Telegram-ботын құрды — @VKO_URPAQ_BOT.
Чат-бот арқылы:
✅ буллинг және зорлық-зомбылық факілері туралы хабарлауға;
✅ балаға қатыгездік көрсету жағдайлары бойынша жүгінуге;
✅ бопсалау фактілері туралы хабарлауға;
✅ психологиялық және консультативтік көмек алуға;
✅ балалар құқықтарының бұзылуы туралы хабарлауға;
✅ кәмелетке толмағандардың қауіпсіздігіне қатер төндіретін жағдайлар туралы сигнал жолдауға болады.
📌 Өтініштер жедел әрі құпия түрде қаралады.
Егер сізге:
▪ мектептегі буллинг;
▪ балаларға қатысты зорлық-зомбылық;
▪ құқыққа қарсы әрекеттер;
▪ кәмелетке толмағандарға қауіп төндіретін жағдайлар туралы белгілі болса —
бейжай қалмаңыз!
📲 Чат-ботқа өту:
@VKO_URPAQ_BOT
Балалардың қауіпсіздігі – баршамыздың ортақ міндетіміз!
Мамыр айындағы мерекелік күндер кезеңінде Қазақстан Республикасының қолданыстағы заңнамасының талаптарын сақтауларыңызды сұраймыз.
Назарларыңызға саламыз:
Қоғамдық тәртіпті бұзбауларыңызды және белгіленген талаптарды сақтауларыңызды сұраймыз.
Халыққа қызмет көрсету сапасын арттыру мақсатында және Қазақстан Республикасының тіл туралы заңнамасына сәйкес, келесі талаптарды сақтауларыңызды сұраймыз:
🔹 Көрнекі ақпарат
Маңдайшалар, хабарландырулар, жұмыс режимі және өзге де ақпарат мемлекеттік және орыс тілдерінде орналастырылуы тиіс.
🔹 Баға көрсеткіштері мен қызметтер
Тауар атаулары, баға көрсеткіштері, мәзірлер мен прейскуранттар екі тілде рәсімделуі қажет.
🔹 Тұтынушы бұрышы
Міндетті ақпарат (лицензиялар, сауда ережелері, байланыс деректері) екі тілде ұсынылуы тиіс.
🔹 Клиенттерге қызмет көрсету
Екі тілде сәлемдесуді қолдану және тұтынушы қай тілде жүгінсе, сол тілде қызмет көрсету ұсынылады.
🔹 Цифрлық сервистер
Чектер, сайттар, әлеуметтік желілер және өзге де материалдарды екі тілде жүргізу ұсынылады.
Қызметтеріңізді көрсетілген талаптарға сәйкестендірулеріңізді сұраймыз.
«БЖЗҚ туралы өзекті сауалдар»
1. БЖЗҚ енгізген зейнетақы активтерін инвестициялық басқару жөніндегі инернет-платформа дегеніміз не?
Азаматтардың зейнетақы активтерін инвестициялық басқару жөніндегі invest.enpf.kz бірыңғай ақпараттық интернет-платформасы инвестициялық портфельді басқарушылар (ИПБ) туралы барлық негізгі ақпаратты бір цифрлық кеңістікке біріктіреді және инвестициялық қызмет туралы деректерді ұсынуға жүйелі тәсілді қамтамасыз етеді.
2. Бұл жобаның мақсаты қандай?
Жобаның мақсаты – халықты осы бағыттағы мәліметтен хабардар ету деңгейін арттыру және зейнетақы активтерінің кірістілігі туралы деректерді жариялауды үндестіру және инвестициялау нәтижелеріне әсер ететін факторларды түсіндіру есебінен зейнетақы активтерін инвестициялау тетіктері туралы тұрақты түсінік қалыптастыру.
Инвестициялық басқару жөніндегі бірыңғай ақпараттық интернет-платформа – бұл салымшыларға зейнетақы инвестицияларын онлайн-режимде талдауға мүмкіндік беретін заманауи цифрлық ресурс.
3. invest.enpf.kz порталында салымшылар қандай ақпаратқа қол жеткізе алады?
invest.enpf.kz порталында пайдаланушыларға зейнетақы жинақтарының жүйесі, бағалы қағаздар, инвестициялау стратегиялары (критерийлері), базалық ұғымдар, зейнетақы активтерін орналастыру құрылымы туралы мәліметтер, сондай-ақ әрбір ИПБ-ның қаржылық көрсеткіштері, ИПБ-лардың реттеушілік талаптарды сақтауы туралы деректер және салымшыларға ИПБ мен оның инвестициялық портретін жасауға мүмкіндік беретін өзге де мәліметтер қазақ және орыс тілдерінде қолжетімді.
Интернет-ресурс кірістілік туралы ақпаратқа ыңғайлы әрі жүйеленген түрде қол жеткізуді қамтамасыз етеді. Ол белгілі бір кезеңдер аралығын таңдау арқылы динамикада сенімгерлік басқарушылардың (ҚР Ұлттық Банкі және инвестициялық портфельді басқарушылар) басқаруындағы зейнетақы активтері портфельдері бойынша әртүрлі деректерді салыстыруға мүмкіндік береді. Салымшыларға инвестициялық портфельдерді өз бетінше бағалауға, сондай-ақ өз мақсаттарына сай келетін басқарушыны және оның инвестициялық стратегиясын таңдауға арналған құралдар ұсынылады.
Осылайша, бірыңғай интернет-платформа зейнетақы жүйесіндегі цифрлық сервистерді дамытудың маңызды тетігіне айналып, салымшылардың зейнетақы капиталын басқаруға саналы түрде қатысуына және өзінің қаржылық болашағын қалыптастыруына ықпал етеді.
4. Платформаның негізгі мүмкіндіктері қандай?
Ақпараттың көрнекілігі мен қолжетімділігі
Барлық деректер пайдаланушылардың кең ауқымы үшін ыңғайлы және түсінікті форматта ұсынылған, бұл салымшыға өз қаражатының қайда және қалай инвестицияланатынын көруге мүмкіндік береді
ИПБ-лардың кірістілігі мен көрсеткіштерін салыстыру
Платформа ИПБ-ларды портфель құрылымының кірістілігі, зейнетақы активтерінің шартты бірлігінің құны, сондай-ақ қаржылық көрсеткіштер мен инвестициялық қызмет нәтижелері сияқты негізгі өлшемдер бойынша салыстыруға мүмкіндік береді.
Инвестициялық стратегияны саналы түрде таңдау
Салымшы инвестициялық декларацияларды дербес зерделей алады және зейнетақы жинақтарын активтерді инвестициялық басқару критерийіне сәйкес өзі таңдаған ИПБ-ның басқаруына бере алады.
Салымшы толық ақпараттық бақылау жасай алады
Қажетті талдау жүргізе отырып, Пайдаланушы порталдан жеке кабинетке өту арқылы өзінің жеке зейнетақы активтері туралы егжей-тегжейлі ақпарат алады. Қажет болған жағдайда міндетті зейнетақы жарналарының, міндетті кәсіптік зейнетақы жарналарының 50%-на дейін және ерікті зейнетақы жарналарының 100%-на дейін ИПБ-ға сенімгерлік басқаруға аудара алады.
5. Салымшы жеке кабинетте қандай операцияларды орындай алады?
Жеке кабинетте салымшы:
ИПБ-ға/дан – ҚРҰБ-қа/тан беру/қайтаруға қолжетімді соманы тексере алады;
ИПБ таңдау (өзгерту туралы) туралы немесе ИПБ сенімгерлік басқаруындағы зейнетақы жинақтарын ҚР ҰБ сенімгерлік басқаруына қайтару туралы өтініш беру қағидалары және шарттарымен таныса алады;
ИПБ таңдау (өзгерту туралы) немесе ҚР ҰБ-ға қайтару туралы өтініш беру және оның мәртебесін қадағалау;
басқа да зейнетақы қызметтері қолжетімді.
Тақырып бойынша сұхбат: https://youtu.be/W9vL4G67ESc?si=Y-FxABaaMphxsfsp
Бейненұсқаулық: https://youtu.be/XH8ZjgxhkpQ?si=RrcYaR64wpj_wbvH
БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).
БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).
Өмірлік қиын жағдайға тап болған азаматтар енді әлеуметтік көмек алу үшін eGov Mobile мобильді қосымшасы арқылы өтініш бере алады. Бұған дейін бұл мүмкіндік тек eGov.kz порталы арқылы қолжетімді болатын. Енді өтінішті тікелей смартфоннан рәсімдеуге болады.
Әлеуметтік көмек – бұл өмірлік қиын жағдайға тап болған азаматтардың жекелеген санаттарына жергілікті атқарушы органдар тарапынан көрсетілетін ақшалай төлем немесе материалдық қолдау. Қызметтің мобильді форматқа көшуі мұндай көмекті алу процесін анағұрлым жеңіл әрі ыңғайлы етеді. Өтінішті кез келген уақытта және кез келген жерден беруге болады, ал рәсімдеу уақыты едәуір қысқарады.
Мәслихаттардың шешімдері бойынша әлеуметтік көмек қосымша қолдауға мұқтаж азаматтарға, соның ішінде әлеуметтік маңызы бар аурулары бар адамдарға, өз-өзіне қызмет көрсете алмайтын егде жастағы азаматтарға, ата-анасының қамқорлығынсыз қалған тұлғаларға, сондай-ақ табысы төмен отбасыларға көрсетіледі.
«Өтініш беру процесі барынша автоматтандырылған. Өтінімді толтыру кезінде деректердің бір бөлігі мемлекеттік ақпараттық жүйелерден автоматты түрде жүктеледі. Бұл рәсімдеуді жеңілдетіп, қателік жіберу ықтималдығын азайтады. Тәжірибе көрсеткендей, тек 2025 жылдың өзінде eGov.kz порталы арқылы 7 мыңнан астам өтініш түскен», – деді «Ұлттық ақпараттық технологиялар» АҚ Басқарма төрағасы Дәулет Бекманов.
Қызметті пайдалану үшін пайдаланушыға:
Қызмет көрсету нәтижесі ретінде әлеуметтік көмектің тағайындалғаны туралы хабарлама немесе өтініштің қанағаттандырылмағаны жөнінде негізделген жауап беріледі.
Өтініш берілгеннен кейін ол уәкілетті орган тарапынан қаралады. Шешім отбасының табыс деңгейін және белгіленген өзге де өлшемдерді ескере отырып қабылданады. Өтінішті қарау мерзімі – 8 жұмыс күніне дейін. Қызмет тегін көрсетіледі.
Қызмет Қазақстан Республикасы Жасанды интеллект және цифрлық даму министрлігінің Мемлекеттік қызметтер комитеті, «Ұлттық ақпараттық технологиялар» АҚ және Қазақстан Республикасы Еңбек және халықты әлеуметтік қорғау министрлігі тарапынан іске асырылды.
© Қазақстан Республикасының Электрондық үкіметі