Самар ауданында “Гүл сыйлайық” акциясы басталды

Бүгін Самар ауданының Жастар ресурстық орталығының ұйымдастыруымен игі шара бастау алды. Самар ауданы әкімінің орынбасары Жаслан Майкенев балабақшадағы қыз балалар мен тәрбиешілерін көктемнің алғашқы мерекесімен құттықтап, гүл шоқтарын сыйлады. Сондай-ақ техникалық қызметкерлерді де назардан тыс қалдырмай, ізгі ниетін білдірді. Жаслан Талғатұлы балабақша ұжымының болашақ ұрпақты тәрбиелеудегі зор еңбегін атап өтіп, нәзікжандыларға зор денсаулық пен мол бақыт тіледі.