Самар ауданы бойынша таралған карантиндік нысандар
Көктемгі дала жұмыстарының басталуына байланысты барлық ауылшаруашылық тауар өндірушілері жатаған укекіре және арамсояу сияқты зиянды карантиндік арамшөптерді жоюға, және таратпауға ерекше назар аударуы керек.
Жатаған укекіре - бұтақ тәрізді өсімдік сабағы тік қырлы, негізінен дерлік тармақталған. Жатаған укекіренің күшті өзегі бар (ол 10 метрден астам тереңдікке ене алады), сонымен қатар жақсы дамыған тамыр жүйесі бар, соның арқасында оның тамырлары үлкен аумақты алып жатыр, ал жер үсті бөлігі тамыры негізгі тамыр жүйесімен бірге жойылған кезде ол толығымен қалпына келе алады, өйткені оның тамыр шашу әдісі бар. Яғни, аналық өсімдік тамырының белгілі бір бөлігінен еншілес тамыр өседі, содан кейін ол бөлініп, өзінің жер үсті және жер асты бөлігін құрайды. Жатаған укекіре тұқымдарының өнуі 3-4 жылға созылады.
Укекіре мәдени дақылдардан қарағанда топырақтан 2,5 есе көп қоректік заттарды сіңіреді, сондықтан ол топырақ құнарлылығын тез төмендетеді.
Укекіре тек дақылдарды отырғызуға ғана емес, сонымен қатар жануарларға да зиян тигізеді: өсімдік малды тамақтандыруға жарамсыз, сәйкесінше, ешқандай экономикалық маңызы жоқ, сонымен бірге кез-келген мәдени өсімдіктерді немесе пайдалы ауылшаруашылық шөптерін ығыстырып, егістіктер мен жайылымдардың аумағын алады. Ол топырақтың тығыздалуынан, тұзданудан немесе қалың саз қабатының болуынан қорықпайды.
Оны химиялық және механикалық құралдарды қолдана отырып, күрделі шаралармен ғана жоюға болады.
Арам сояу- паразиттер тобына жататын біржылдық шөптесін өсімдігі, далада өсетін, барлық жерде кездеседі. Ол әртүрлі кластардың, тұқымдастардың және биотиптердің көптеген өсімдіктеріне әсер етеді. Зияндылығы олардың мәдени өсімдіктерде жалпы зат алмасу бұзылыстарын туғызуында.
Шығыс Қазақстан облысы әкімдігінің 2023 жылғы 09 қарашадағы № 238 "Шығыс Қазақстан облысы әкімдігінің 2014 жылғы 28 шілдедегі №202 "Карантиндік режимді енгізе отырып, карантиндік аймақты белгілеу туралы" қаулысына өзгерістер енгізу туралы қаулыға сәйкес Самар ауданының аумағында карантиндік режим белгіленді. Жалпы залалданған аумақ 1708 га құрайды.
Қазақстан Республикасының 1999 жылғы 11 ақпандағы «Өсімдіктер карантині туралы» №344-1 Заңының 18 бабының 1 және 2 тармақтарына енгізілген өзгерістер мен толықтыруларға сәйкес: «Мемлекеттік қор жерлерінде орналасқан карантинді объектілердің таралу ошақтарын оқшаулау және жою жөнiндегi іс-шараларды қаржыландыру бюджет қаражаты есебiнен жүзеге асырылады, ал жеке және заңды тұлғалардың меншігіндегі немесе жер пайдалануындағы объектілер мен жер учаскелерінде карантиндік арамшөптердің таралу ошақтарын оқшаулау және жою жөнiндегi іс-шараларды ұйымдастыру жеке және заңды тұлғалардың өз қаражаты есебінен жүргізіледі» .
"Өсімдіктер карантині туралы" ҚР Заңының талаптарын сақтамаған жеке және заңды тұлғалар ҚР ӘҚБтК 400 және 462 баптары бойынша әкімшілік жауапкершілікке тартылатын болады.
ҚР АШМ Агроөнеркәсіптік кешендегі мемлекеттік инспекция комитетінің Самар ауданы бойынша аумақтық инспекциясы ММ