Қазақстандық банктердің клиенттері қалайша қаржы алаяқтарының құрбандарына айналады?

Шығыс Қазақстан облысының Полиция департаменті алаяқтарды банктердің қауіпсіздігі қызметі ретінде жасырумен байланысты интернет-алаяқтықтың жиілеп кеткен фактілері туралы ескертеді.

№ 1- схема: Алаяқтар қазақстандық қаржы институттарының абоненттік нөмірлерін банктің қауіпсіздік қызметі деген атпен қайталауға мүмкіндік беретін SIP-телефонияны пайдалана отырып, жәбірленушіге қоңырау шалып, салымға төнген қауіп туралы хабарлайды. Алаяқтар ақшаны алаяқтық шотқа аудару процесін сүйемелдеу арқылы барлық ақшаны «қауіпсіз» шотқа аударуға сендіреді.

№ 2 - схема: Банктің қауіпсіздік қызметінің атын жамылған алаяқтар жәбірленушіге несиенің ресімделгені туралы хабарлайды. Несиенің күшін жою үшін сол сомаға басқа несие алып, барлық ақшаны «қауіпсіз» шотқа аударуыңыз керек.

№ 3 - схема: Алаяқтар жәбірленушіге оны ұрламақ болғанын хабарлайды және телефонға арнайы «қауіпсіздік» бағдарламасын (AnyDesk бағдарламасы немесе қашықтан кіру үшін кез келген басқа бағдарламалық қамтылым) орнатуды ұсынады. Алаяқ жәбірленушінің телефонына қашықтан қол жеткізе алады және интернет-банкинг арқылы жәбірленушінің қаражатын өз шоттарына аудара алады.

⚠️ Егер сізге банктің қауіпсіздік қызметкері қоңырау шалып, сіздің шотыңызға алаяқтық шабуылдармен қорқытса, «қарсы» кредит алуды немесе банкомат арқылы ақша алуды сұраса, әңгімені дереу аяқтаңыз.

Ақпаратты бірнеше рет тексеру және банк картасын бұғаттау үшін банктің call-орталығына өз бетіңізше қоңырау шалыңыз.