Тұрғылықты жерді тіркеу
Әрбір қазақстандық "Халықтың көші-қоны туралы" Заңына сәйкес тұрғылықты жері бойынша тіркелуі тиіс.
Тұрғылықты жері бойынша тіркелу тұрақты және уақытша болуы мүмкін. 1414 колл-орталыққа тіркеуге қатысты сұрақтар жиі түседі. Енді мұны үйден шықпай-ақ оңай жасауға болады. Интернет, ноутбук немесе смартфон арқылы сіз өзіңізді, балаңызды, туыстарыңызды тіркей аласыз.
Сіз тіпті басқа қалада болған кезде қызметке онлайн тапсырыс бере аласыз. Өтінішті толтырып, қала мен мекен-жайды көрсету қажет. Жүйе растау үшін өтінішті пәтер иесінің жеке кабинетіне автоматты түрде жібереді.
Тұрғылықты жері бойынша тіркелу тақырыбы бойынша ең көп қойылған сұрақтар мен оларға жауаптарды суретті жылжытып оқыңыз.
|
Қалай онлайн тіркелуге болады? |
ЕGov, eGovmobile қосымшасы, HomeBank арқылы, сондай-ақ «Мобильдік ХҚО» қосымшасында бейнеқоңырау арқылы операторға хабарласу арқылы онлайн тіркелуге болады. |
|
Қызмет көрсету мерзімі қандай? |
ХҚО - ға жүгінген кезде-30 минут. Онлайн өтініш берген кезде-15 минут. |
|
Қай жастан бастап балаларды тұрғылықты жері бойынша тіркеу керек? |
Баланы14 жастан бастап. Осы жасқа жеткенге дейін балаларды тіркеудің қажеті жоқ, олардың тұрғылықты жері ата-аналарының тіркелген мекен-жайы болып танылады. |
|
14 жастан асқан баланы тіркеу үшін не қажет? |
Тіркелу үшін туу туралы куәлік немесе төлқұжат қажет. Қызметке ата-аналардың бірі тапсырыс береді. |
| Пәтерде бейтаныс адамның тіркелгенін байқасаңыз не істеу керек? |
Тіркеуден шығару үшін ХҚО-ға жүгінуге болады. Сондай-ақ, пәтер иелері "ҚР тұрғындарын тұрғылықты жері бойынша тіркеуден шығару" қызметіне eGov арқылы онлайн тапсырыс беріп, тіркеуден шығару үшін қажетті азаматтарды таңдап, белгісіз азаматтарды өз бетінше тіркеуден шығара алады. |
|
Егер клиент қонаққа немесе іссапарға келген болса, уақытша тіркеуді рәсімдеу қажет пе? |
Уақытша болу орнына 1 айдан астам мерзімге келген азамат 10 күн ішінде тіркелуі керек.
|